Aroom 3 - WEN GBAŊKA

¹ Ku nyuenta abe le boa ase fi nin ka Juu? Fi gaam waai ale kan daa Juu la kama? Ka boan nyuenta ate ba a nya ku po ale ba ale gebi ba yoaŋa la?

² Juuma ta nyuenta kama wie yegayega po a gaam baai ale kan daa Juuba la. Ni basi ate m liŋ weeni a sak ni ayen Wen jam pai wa wieŋa a nyo ka Juuma nisima po.

³ Alege ni basi ate m bek ni ayen ase Juuma gela a daam dan kan ta wensie ale Wen, nya kude a sak kama ayen Wen mɛ a kan ta wensie?

⁴ Aaya, waai meena abe dan poom ka velimvendik, Wen kasim ka wensie nyɔnɔ. Ase ba ale ŋmarisi wa gbaŋka po ayen, <> (Yiila 51:4)

⁵ Ase ti tuimbaata a dan basi ate nuruba a nya Wen weleŋsaŋa, ku be ka wabiowa ase Wen a nin te ti waalika ti tuimbaataŋa nyiŋŋa? Mi a biisi kama ase nuru ale a biisi diila.

⁶ Aaya, Wen a dan kan daa wensie Wen ya, wa le nye ka sɛ a bo tɛŋka demma buusa?

⁷ Nuru abe ŋman baga a weeni kama ayen, <>

⁸ Ku be dan ka dila mɛ, ka boa ale soa ate ni kan kasim a tom tuimbaata ate wamaŋsa nyini ŋa po a nyini? Nuruba gela a toariŋ mi kama a weeni ayen ka mi ale a weeni wanni de choawa. Toariŋka de abe ka leeta a te mu. Wen abe dan bo mini ba ku ka wensie.

⁹ Dila nyiŋla, tama baai ale ka Juuba la, tama chim ka nuru weleŋsa a gaam baai ale kan daa Juuba la? Aaya. M poom weeni a sak ni kama ayen biem ale soa baai ale ka Juuba la, ale baai ale kan daa Juuba la meena.

¹⁰ Ba ŋmarisi Wen gbaŋka po ayen, <

¹¹ Nuru karo mɛ a ta yammoa. Nuru karo a yaali ayen wa zuli Wen ya.

¹² Waai meena cheŋ wensie suiku po a be kama ale chim nuru kayaata mɛ. Nuru yeŋ bola karo a tom tuimaŋsa.

¹³ Ba biika a basi ate ka nuruba a kpi. Ba noaŋa sueri ale ka venta nyiini. (Yiila 5:9) Ba biika ka leeta nna ase waapiisa domka la. (Yiila 140:3)

¹⁴ Ba biik po ka kikaasa nyiini nna yegayega. (Yiila 10:7)

¹⁵ Ba kan bola a beni ale ge a ko nuru.

¹⁶ Juijui meena ate ba a cheŋ la, ba a basi ka kaasuŋ ale ninam ku jigini.

¹⁷ Ba zɛ suik kuui ate suiyɔgni a boro la. (Azaya 59:8)

¹⁸ Wen yɔgsum chalika a ka ba nina po.>> (Yiila 36:1)

¹⁹ Ti seba ayen Juuma pɛ kama ayen ba le va Moosis Sinsaŋŋa ale a weeni dii meena la. Dila nyiŋla, Sinsaŋŋa ale a weeni dii meena la a cheŋ ka bala jigi. Wen nye ku ka dila ayen waai meena a nya wadek kaasuŋku. Nuru be kan ta wari a weeni wanni de po.

²⁰ Dila nyiŋla, nuru dan va Wen Sinsaŋŋa ale a weeni diila, dila kan basi ate wa a chim wayɔrisima nyɔnɔ Wen jigiya. Alege Wen Sinsaŋŋa weeni a sak ti kama biem ale ka diila.

²¹ Alege yɔgyɔgla de Wen a pai sak wa le wa nye dii ate nuruba a chim wayɔrisima nyam la kama. Moosis Sinsaŋŋa ale Wen biisiteerɔma a biisi dila wari kama, alege ku ka wari a nye ale Moosis Sinsaŋŋa.

²² Alege ka waai meena ale ta siaka ale Yeezu Kirisita la ate wa a nye ate nuru wala choa a chim wayɔrisima nyɔnɔ wa Wen jigi. Boan nyiŋŋa, lukka karo ale Juu ale waai ale kan daa Juu la.

²³ Nurubiik meena abe tom kaasi kama, a yaa yalima ale Wen zulaŋa.

²⁴ Alege Wen tiirim niaka nyiŋ ate ti nya da tuesika a yaa chim wayɔrisima nyam Yeezu Kirisita nyiŋ.

²⁵ Wen basi kama ate Yeezu kpi tama wabaataŋa nyiŋ ayen ti dan ta siaka ale wa, ti le nya vɔŋteka. Wen nye nna kama ayen ku sak nuruba ayen wa, Wen, ka wayɔrisima nyɔnɔ. Diipo ate Yeezu an diem jam kpi la, Wen jam ta chichiiba kama a yik wadek an namsi nuruba ba wabaata nyiŋŋa.

²⁶ Alege yɔgyɔgla de, Yeezu kummu nyiŋ ate Wen yaa nya nurubiik wabaataŋa zuk ayen ku sak ayen Wen ka nyemagsika nyɔnɔ. Ku be a sak kama ayen wa ka nyemagsika nyɔnɔ ate baai meena ale ta siaka ale Yeezu la, wa basi kama ate ba chim nyemagsika nyam.

²⁷ Be ka boan nyiŋ ate ni a nak kuusa? Kuusa nakka karo. Be ka boan ale soa ate kuusa nakka karo? Ku ka Moosis Sinsaŋŋa ale a weeni ti ayen ti nye diila nyiŋŋa? Aaya. Ku ka siaka ale Yeezu nyiŋ.

²⁸ Boan nyiŋŋa, ti yaa baga a weeni kama ale sebi chak mɛ ayen ku daa Moosis Sinsaŋŋa vaka nyiŋ ale soa ate nuru a chim wayɔrisima nyɔnɔ, alege ka wa siaka nyiini ale Wen ale baga a nye ate kula nyɔnɔwa a chim wayɔrisima nyɔnɔ.

²⁹ Ti baga a weeni ayen Wen ka Juuma nyiini Wen ya? Aaya. Wa ka baai ale kan daa Juuba la mɛ Wen.

³⁰ Dii nyiŋla, Wen ka Wen yeŋ dekki. Wen va ka boan nyiŋ a nye ate Juu a chim wayɔrisima nyɔnɔ? Ka wa siaka nyiŋ. Wa be va ka boan nyiŋ mɛ a nye ate waai ale kan daa Juu la a chim wayɔrisima nyɔnɔ? Ka wa mɛ siaka nyiŋ.

³¹ Nya kude be a sak kama ayen tama siaka a nye kama ate Moosis Sinsaŋŋa ka kiriya? Aaya. Ku a sak kama ayen wensie bo ŋa po kama.