Aroom 10 - WEN GBAŊKA

¹ M suata, mi dek ale a yaali dii nalimnyiini ate ku chim m puusa a ta nyini m suinum po meena ate mi a puusi Wen la ale, Izirali demma ate nya varibasika.

² M baga a weeni a chak kama ayen, ba kasim a yaali Wen vaka kama ale ninmuna alege ba an diem miŋ ku kiri a chak ba le ba nye dii a va wa la.

³ Ba an diem miŋ suik kuui ale a nye ate nuruba a chim wayɔrisima nyam m jigi la. Dila nyiŋla, ba yaa pii nyiŋ badek ayen ba nye ate ba chim wayɔrisima nyam. Dila abe basi kama ate ba yaa zɛri Wen suik kuui le ku basi ate ba chim wayɔrisima nyam la.

⁴ Alege yɔgyɔgla de, Yeezu Kirisita nye kama ate Moosis Sinsaŋŋa kpeglim ayen waai ale ta siaka ale Yeezu Kirisita la, a chim ka wayɔrisima nyɔnɔ.

⁵ Moosis ale ŋmarisi dii a magsi chaab ale waai ale a va Sinsaŋŋa ayen wa chim wayɔrisima nyɔnɔ la ale nna ayen, <> (Kaabka 18:5)

⁶ Alege wayɔrisima siaka nyiŋ ale a weeni diila ale nna, < (Teerika 30:12) Ku kiri ale, a ta Kirisita a siŋ?

⁷ Yaase, Ku kiri ale, a ta Kirisita a jueli?>>

⁸ Ku ale a weeni diila ale nna ayen, <> (Teerika 30:14) Ka siaka de sinsaŋŋa ate tama mooli a sak ayen,

⁹ fi dan lak fi nɔi a weeni ayen, <> a ta siaka fi suinum po ayen Wen nak wa a yiti kum po fi le nya varibasika kama.

¹⁰ Dii nyiŋla, ku ka nuru a nin ta siaka wa suinum po ate Wen a nye ate wa a chim wayɔrisima nyɔnɔ. Nuru abe nin lak wa nɔi a weeni wa kaasuŋ ate wa nya varibasika.

¹¹ Ba ŋmarisi Wen gbaŋka po mɛ ayen, <> (Azaya 28:16)

¹² Ka waai meena, fi ka Juu yoo fi daa Juu yoo, Naawen ka waai meena Naawen. Waai abe ale a wi wa ayen wa vari wa basi la, wa a nye kama ale pai wa niaka a gum du nalimnyiini.

¹³ Boan nyiŋŋa, <> (Joel 2:32)

¹⁴ Nuruba abe le nye ka sɛ a baga wi wa ayen wa vari ba basi ase ba nin kan ta siaka ale wa? Ba be le nye ka sɛ ta siaka ale waai ate ba an wom wa wie la? Ba be le nye ka sɛ mɛ wom ase nuru a nin kan karo ayen wa mooli a sak ba?

¹⁵ Nuruba be le nye ka sɛ a baga mooli sak nuruba ase ba nin kan tom ba ayen ba mooli sagi? Ase Azaya ale ŋmarisi dii Wen gbaŋka po ayen, <> (Azaya 52:7)

¹⁶ Alege daa waai meena ale siak a te Wen wamaŋsaŋa. Ase Azaya ale ŋman bek dii ayen, <> (Azaya 53:1)

¹⁷ Dila siaka a nyini ka womka jigi, ate womka a nyini Kirisita wanni jigi.

¹⁸ Ni basi ate m bek ni wari ayen, ku sum ka wensie ayen Juuma an wom Wen ale weeni diila? Aaya. Ba wom wa ale weeni diila kama, boan nyiŋŋa, ba ŋmarisi Wen gbaŋka po ayen, <> (Yiila 19:4)

¹⁹ Alege mi a weeni ayen, Izirali an jam miŋ ya, ba miŋ ya? Moosis a weeni ayen, <> (Teerika 32:21)

²⁰ Azaya a weeni ale suinum pagrik ayen, <> (Azaya 65:1)

²¹ Alege dan ka Izirali wa weeni ayen, <> (Azaya 65:2)