Amos 6 - WEN GBAŊKA

¹ Ku ale tua a te nama baai ale a dɛ masim ni suiniima po Zayon po la kama, ale baai ale ta sebchakka ayen ba baga a nya sukka Samaria Guuku zuk la, ale Izirali nisɔm baai ate nuruba a jam ba jigi la.

² Ni cheŋ Kalne ga nya ku ale ka diila, ni dan nyini dula ni cheŋ Yamat ale zuak diila, abe ni cheŋ siŋ Gat ale bo Filistia po la. Ba tɛŋsaŋa a zunchoŋ nama naata buyewa kama? Ba tɛŋsaŋa a zuak gaam nama tɛŋsaŋa kama?

³ Nama a zɛri kama ayen kaasuŋ dai an cheena. Alege ni ale a nye diila a ta di a moata kama.

⁴ Gaduata ate ba pai yauk nyina a gobi ate ni a duak ti zuk a dɛ ase nyiŋworuk nyam la. Ni a ŋɔbi ka pabisa ale naabisa sii ale biigi ate ni a yaali la.

⁵ Ni a yaali ka ni a yi yiila ase Deevid la, ate ni pai ni kpantaŋa a nak

⁶ chin kpiema ate ni pai a nyu daam ale pai kpa nyuntisa a sa ni nyiŋsaŋa, Josefi buuni ale waaŋ la ku kan daani ni.

⁷ Dila nyiŋla nama ale ni dɛ niŋ ate ba yik ni a ta cheŋ tɛŋ yoŋ po, ni ŋandiinta tiŋŋa ale masim buui ate ni a dɛ la ale kpeglim.

⁸ Nyɔnɔwa Naawen a pɛ ka wadek nyiŋ. Naawen, Wen Dii Ale A Dɛ Tugurik Tɔŋdɔma Niŋ La ale weeni ayen, <>

⁹ Ase nidoaba pi a dan tali bo yeri po, ba mɛ za ba kpi kama.

¹⁰ Ate kpiema nuru a dan jam ayen wa pai kpiema a ta ga nye kuunaŋa a yaa bek waai ale diem suk bo yenni po la ayen, <> Ate wa weeni ayen, <> Ate wa yaa weeni ayen, <>

¹¹ Dii nyiŋla Naawen a te ka nɔi, ayen wa ale ŋɔriŋ yie kpiemaŋa nna gela gela abe yie fiisaŋa wa nye ŋa nna yisayisa.

¹² Wusuma a baga a chali yegayega piuŋ kpiema po? Nuru baga a yik niiga a kpa nyakpiemu po? Alege nama labri nyemagsika kama ate ka chim choŋ alege ate wayɔrisima yɔna a toa.

¹³ Ni ale nak dɛ Lo Debar tɛŋka la, ni sue a peenti kama a yaa a weeni ayen, <>

¹⁴ Dila nyiŋla Naawen, Wen Dii Ale A Dɛ Tugurik Tɔŋdɔma Niŋ La a weeni kama ayen, <>