Amos 5 - WEN GBAŊKA

¹ Ni be wom wanni de, Izirali demma, mi pai ni a yi ka kuun yiila,

² <>

³ Nyɔnɔwa Naawen ale biisi diila ale nna, <>

⁴ Naawen ale weeni Izirali demma diila ale nna, <

⁵ Ni kan cheŋ Betel a yaali maarika. Ni kan cheŋ ga bo Gilgal. Ni kan cheŋ Beerseba ayen ni a yaali maarika. Ba ale yik Gilgal demma a ta cheŋ tɛŋ yoŋ po ate Betel ale chim kinla.>>

⁶ Ni gisi Naawen ate ni vua, dan kan daa di wa ale pai ka bolim a dɛ Josefi yenni demma meena. Bolimu ale dɛ Betel kama ate waai a kan boro ale kpimsi bu.

⁷ Nama ale baai ale pai biem a chim nyemagsika ale a yuk wayɔrisima a basi tɛŋ la.

⁸ Waai ale nye Gɔlima Gɔlima chiŋmarisaŋa ale biak ale ka nyɔnɔ chiŋmarisaŋa la, wa a labri legi ate di a chim kantueŋ ale a nye kantueŋ ate ka a chim yok. Wa a tigsi nyakpiemu nyaataŋa a kpiiri a basi tɛŋka zuk. Naawen ale wa yuenni.

⁹ Nuru baai ale pagra la, wa basi kama ate kaasuŋ a jam ba jigi ale te tɛŋ pagrika a waaŋ.

¹⁰ Ni kisi baai ale a toariŋ ni buusa boka jigini la kama ale kan pai zula a te baai ale weeni wensieŋa a sak ni la.

¹¹ Ni a namsi ŋanjaksaŋa kama, ale a fɛ ba ate ba pai ba zaaŋa a te ni. Dila nyiŋla, ni tanaŋa yeeŋa ate ni sɛ la, ni kan bo ŋa po, tiisaŋa ate ni vuk ni kaduksaŋa po la ni kan nya si daam a nyu.

¹² Dii nyiŋla mi seba ni nye kaasuŋtaŋa ale ni wabaataŋa ale zuak diila kama. Ni a namsi nuru maŋsa ale a tuesi ŋanta a nyini ba jigi ale a kasi ŋanjaksa ate ba kan nya nyemagsika wie buusa yeeŋa po.

¹³ Daaŋa ale ka da baata la nyiŋ nuru waai ale ta yam la a kan weeni wari ya.

¹⁴ Ni gisi nalim abe ni basi biem ate ni ta nyuvuri. Ate Naawen, Wen Dii Ale A Dɛ Tugurik Tɔŋdɔma Niŋ La ale bo ale ni ase nidek ale seba wa ale ka waai la.

¹⁵ Ni kisa biem abe ni a yaali nalim ni ta nyemagsika buusa boka ni yeeŋa po. Da dii dai Naawen, Wen Dii Ale A Dɛ Tugurik Tɔŋdɔma Niŋ La ale ta jiirim ale Josefi dɔkdem baai ale tali la.

¹⁶ Dila nyiŋla Nyɔnɔwa, Naawen, Wen Dii Ale A Dɛ Tugurik Tɔŋdɔma Niŋ La ale a weeni nna, <

¹⁷ Woolika ale bo kaduksaŋa po, dii nyiŋla mi ale namsi ba. Ka Naawen ale weeni.

¹⁸ Ku za ku toa a te nama baai ale a gisi Naawen Danni la kama! Ka boa ale soa ate ni a yaali Naawen Danni? Dai dila danni za di chim ka legi alege daa kantueŋŋa.

¹⁹ Ku ale nye ase ka nuru ale a chali ayen wa bɛ a nyini gbeŋli nisima po a taam ga tu gɔi biak diila. Ku ale nye ase ka waai ale chali paari wa yeri a pai wa nisa a vi wa yeri parik zuk ayen wa vuusi ate waab biok a ŋman dom wa la.

²⁰ Naawen Danni a za di chim ka legi daa kantueŋŋa. Di za di nye ka nna kpitɔ, nyaksika a kan boro.

²¹ <

²² Ni dan poom ta juka tiirita ale ŋanbie tiirita a jam te mi, m kan tuesi. Ni dan poom ta suiyɔgni tiirita a jam te mi, m kan cheem a nya ti.

²³ Ni cheŋ du ale ni nuemka yiilaŋa! M kan wom ni kpantaŋa yiilaŋa

²⁴ Alege ni basi ate nyemagsika a chali ase belinaŋ la, abe wayɔrisima a kan kpeeri ase beli po nyiam la!

²⁵ <

²⁶ Alege yɔgyɔgla de ni ale zuli Sakkut ŋanmɛɛntaŋa ni wen naawa, ale chiŋmarik wenni Kaiwan la nyiŋ, ni yaa le ji ŋanmɛɛn tila.

²⁷ Dila nyiŋla, mi ale te ba yik ni a ta ni a gaam Damasikus tɛŋka ate ni ga chim yɔm.>> Ka Naawen ale a weeni, waai yue ale ka Wen Dii Ale A Dɛ Tugurik Tɔŋdɔma Niŋ La.