Amos 2 - WEN GBAŊKA

¹ Naawen ale weeni diila ale nna: <

² Mi ale basi ate bolim a chɔgsi Moab tɛŋka abe bu dɛ Keriot yie pagrisaŋa a kaasi. Moab demma ale kpi ka kpaliŋ po ate ku nye nna ŋaglam ase kpaliŋ kaarisa la ale damuniŋ peerika la.

³ Mi ale ko ba tɛŋka kpagni ale wa nisɔmma meena.>> Naawen ale weeni.

⁴ Naawen ale weeni diila ale nna: <

⁵ Mi ale basi ate bolim a chɔgsi Juda ate bu kaasi Jerusalem yie pagrisaŋa meena.>>

⁶ Naawen ale weeni diila ale nna: <

⁷ Ba a tabi ŋanjaksa zuk ase ka tɛŋka la ale kan nye nuru baai ate ba a namsi la a magsi. Ko ale wa biik ta ka nipokbili yeŋ a bobi a goa. Ba a kaasi ka mi tuilum yuenni.

⁸ Ba a duak ka kuŋkuŋ meena tɛŋ, pumpuulima garuk tii ate ba tuesi nuruba jigi ayen ba ta ba pama ale an baga a tuni la zuk. Ba Wenni yenni po ba a nyu ka da buui ate ba pai a tuni tuim kaasima nyiŋla.

⁹ Mi yaa jam kaasi Amori demma ba niŋ wa ale wa woglimmu ase nyunyoŋ la ale wa pagrimu ase niak la. Mi jam kaasi bu yɔnaŋa alege tu bu tɛŋ naŋsaŋa kama.

¹⁰ M yeeri ni kama ta nyini Ejipiti a dɛ ni niŋ gɔnni po bena pisinaansi ayen m pai Amori demma tɛŋka a te ni.

¹¹ Mi basi ate ni nidoabilisaŋa po a yiti chim mi biisiteerɔba ate ni nidoabili paalukku a chim Naziriba. Kude daa wensie Izirali demma?>> Naawen ale weeni.

¹² <

¹³ <

¹⁴ Waai ale korisi la kan bɛ ate waai ale pagra la kan nya wa pagrimu. Ate kpaliŋ kpaliŋdɔ ale jɔk wa nyuvuri.

¹⁵ Ate tɔŋdɔ a kan baga a zaani a kpaliŋ. Tugurik tɔŋdɔba yegayega a kan chali bɛ. Baai ale a kpaliŋ ale naab wusuma la a kan vari ba nyuvooŋa a basi.

¹⁶ Waai ale tua a nye kpaliŋsa la ale chali kama ale chaboala dai dila danni.>> Naawen ale weeni.