2 Samuel 6 - WEN GBAŊKA

¹ Deevid yaa ŋman ta nidoaba gum chaab a nyini Izirali nidoama ate wa lueri la po, nidoaba tusa pisita (30,000) ba meena.

² Wa ale wa nidoama meena yaa basi Baalaya ale bo Juda po la ayen ba ga ta Wen nɔiyeŋka dakanni a jam, dii ate ba a wi di Yuei ayen, Naawen Dii Ale A Dɛ Tugurik Tɔŋdɔma Niŋ La yuei la, ate wa kala ŋanvutaŋa ale bo dakanni zuk la suŋsuŋ la.

³ Ba jam pai Wen nɔiyeŋka dakanni a zaani ka toroko paalik po a ta di jam Abinadab yenni, dii ale jam bo guuku zuk la. Abinadab nidoabilisaŋa Uzzaya ale Ayio ale jam a nya toroko paalika zuk,

⁴ ate Wen nɔiyeŋka dakanni a bo ku po ate Ayio a cheŋ ku niŋ.

⁵ Deevid ale Izirali yenni meena yaa jaa de masim ale ba pagrim meena Naawen niŋ ale yiila ale kpanta ale bagansa ale sinyaara ale kariŋsa ale dalinkinkeŋsa.

⁶ Ba le jam Nakon ŋanta fɔbika jigini la, Uzzaya yaa laari yik Wen nɔiyeŋka dakanni, dii nyiŋla lalik kpaansaŋa a nak ka naŋsa.

⁷ Naawen sui yaa puuri ale Uzzaya dii nyiŋla wa an sak zula. Dila nyiŋla Wen yaa nak wa lɔnsi ate wa kpi Wen nɔiyeŋka dakanni tɛŋ.

⁸ Deevid sui yaa jam puuri dii nyiŋla Naawen suipuurumu ale jan jam Uzzaya zuk la, a ta jam paari jinla danni dula yuei ale Perezi Uzzaya.

⁹ Deevid a jam a chali ka yɔgsum ale Naawen dai dila danni ate wa weeni ayen, <

¹⁰ Wa an jam a yaali ayen wa pai Naawen nɔiyeŋka dakanni ate di bo ale wa Deevid Tɛŋka po. Wa gɔnti pai a ta cheŋ ka nakpiak Obed Edom Gitti denɔwa yenni.

¹¹ Naawen nɔiyeŋka dakanni a wari Obed Edom Gitti denɔwa yenni a paari ka chiisa sita, ate Naawen a niak wa ale wa yenni meena.

¹² Yɔgyɔgla de ba weeni naab Deevid ayen, <> Deevid yaa ga ta Wen nɔiyeŋka dakanni a nyini Obed Edom yenni a jam Deevid Tɛŋka ale suipeentik.

¹³ Baai ale jam ji Naawen dakanni la ale laari buyuebi la, wa yaa kaab lalik ale naabi kaai ale ta kpaam la.

¹⁴ Deevid a jam jo ka garuk geli a gɔk Naawen niŋ ale wa pagrim meena,

¹⁵ ase wa ale Izirali yenni meena ale ta Naawen nɔiyeŋka dakanni a cheena ale nuemka ale damunsa peerika la.

¹⁶ Ase Naawen nɔiyeŋka dakanni ale a jo Deevid Tɛŋka po la, Sɔɔl liewa Michal yaa va tuokparuk a nya. Wa le nya naab Deevid a gɔk yɔk a zi Naawen niŋ la wa yaa valiŋ wa wa suinum po.

¹⁷ Ba jam ta Naawen nɔiyeŋka dakanni kama jam zaani di jigini viuk kuui ate Deevid jam ti magsi di la po, ate Deevid a nye juka tiirita ale suiyɔgni tiirita Naawen niŋ.

¹⁸ Wa le nueri juka ale suiyɔgni tiirita kaabka la ŋaaŋnyiŋ wa yaa niak nuruma Naawen Dii Ale A Dɛ Tugurik Tɔŋdɔma Niŋ La yuenni nyiŋ.

¹⁹ Wa yaa pai boroborok ale namɔgla maasa ale gaa maasa a te wanyi meena ale bo Izirali nuru boanni po la, nidoaba ale nipooba meena. Ate nuruma meena yaa kuli ba yeeŋa.

²⁰ Deevid ale ŋman kuli yeri ayen wa niak wa dɔkdemma la, Sɔɔl liewa Michal a yaa nyini wa tu wa a yaa weeni ayen, <>

²¹ Deevid yaa weeni Michal ayen, <

²² M le poom chim javaliŋ a gaam nna, m be le siŋ tɛŋ m dek nina po. Alege nipokbili yɔmma de ate fi biisi ba wari la, m le ta zula.

²³ Ate Sɔɔl liewa Michal an jam ta bisa a ga paari wa kum dai.