2 Samuel 5 - WEN GBAŊKA

¹ Izirali buuraŋa yaa jam Deevid jigi Yebron a weeni ayen, <

² Bena ale taam la, ate Sɔɔl a jam chim naab a nya ti zuk la, ka fi ale jam de Izirali niŋ ba kpaliŋka po. Ate Naawen weeni fu ayen, <>

³ Izirali nisɔmma meena ale jam naab Deevid jigi Yebron la, naawa yaa nye nɔiyeŋ ale ba Yebron Naawen niŋ, ate ba bobi Deevid naab Izirali zuk.

⁴ Deevid jam ka bena pisita wa le jam chim naab la, ate wa dɛ naamu bena pisinaansi.

⁵ Yebron po wa nya Juda zuk bena ŋayopɔi ale chiisa siyuebi. Jerusalem wa nya Izirali ale Juda meena zuk ka bena pisita ale ŋata.

⁶ Naawa ale wa nuruma yaa gɔk santiri a cheŋ Jerusalem ayen wa siti Jebus demma ale jam bo dula la. Jebus demma yaa weeni Deevid ayen, <> Ba poli kama ayen, <>

⁷ Ale dila meena, Deevid a tuesi Zayon jigi pagrika, juijui ate ŋaaŋnyiŋ ba a wi ayen Deevid Tɛŋka la kama.

⁸ Dai dila danni, Deevid yaa weeni ayen, <> Dila ale soa ate ba a weeni ayen, <>

⁹ Deevid yaa jam bo tɛŋ pagrika po a yaa wi jigini ayen Deevid tɛŋka. Wa yaa sɛ dula a gilim ka, a piilim juijui ate ba sueri tɛŋka ale tana guuku jigini.

¹⁰ Ate wa yaa kasim jam nya pagrim a gum du dii nyiŋla, Naawen, Wen Dii Ale A Dɛ Tugurik Tɔŋdɔma Niŋ La a jam bo ale wa kama.

¹¹ Yɔgyɔgla de Yiram Taaya naawa yaa tom nuruba Deevid jigi ale nyunyoŋta ale danagrɔba ale tain seerɔba ate ba sɛ naab yeri a te Deevid.

¹² Ate Deevid seba ayen Naawen a basi kama ate wa chim naab Izirali zuk ale basi ate wa naamu a yiti wa nuruma Izirali demma nyiŋ.

¹³ Wa le basi Yebron la ŋaaŋnyiŋ, Deevid yaa faari nipooba ale ta pokbilisa Jerusalem po, ate ba biak nidoabilisa ale lieba a te wa.

¹⁴ Bi sii ate ba biak te wa la yue ale nna. Sammua ale Sobab ale Natan ale Solomon

¹⁵ ale Ibyar ale Elisua ale Nefeg ale Jafia

¹⁶ ale Elisama ale Eliada ale Elifelet.

¹⁷ Filistia demma ale wom ayen ba bobi Deevid Izirali naab la, ba yaa cheŋ ale pagrim a gisi wa, alege Deevid wom ku wari a yaa cheŋ siŋ jigi pagrika jigini.

¹⁸ Yɔgyɔgla de Filistia demma yaa jam kama a waaŋ Arefaim Viaka po.

¹⁹ Deevid yaa bek Naawen ayen, <> Naawen yaa tulisi wa ayen, <>

²⁰ Deevid yaa cheŋ Baal Perazim, ate dula wa yaa nak a de ba. Wa yaa weeni ayen, <> Dila nyiŋ ba a wi dula jigini ayen ka Baal Perazim.

²¹ Filistia demma yaa basi ba bɔgtaŋa dula, ate Deevid ale wa nidoama yaa pai ti a ta cheŋ.

²² Filistia demma a ŋman jam sueri Arefaim Viaka,

²³ ate Deevid a bek Naawen ate wa tulisi wa ayen, <

²⁴ Ni dan ga wom santiri gɔgta tiisaŋa zuk, ni cheŋ mwuli, dii nyiŋla kula a sak kama ayen Naawen a nyini kama a de ni niŋ ayen wa ko Filistia Tugurik tɔŋdɔma.>>

²⁵ Deevid yaa nye ase Naawen ale weeni wa diila, ate wa ko Filistia demma a dueni a nyini Gibeon a ga paari Gezer.