2 Samuel 23 - WEN GBAŊKA

¹ Deevid ale jam weeni wie ŋaai a kpeglim la ale nna. <

² <

³ Izirali Wenni a biisi, Izirali Piuŋku a weeni mi ayen,

⁴ wa a nye ase ka wenbiri ale a pusi saluik la kantueŋ, saluik kuui ate chiŋma karo la, ase ŋmoruk ale ni vɔssi nyaantika ale ta wuuk a nyini tɛŋ a yiti la.>

⁵ <

⁶ Alege nuru baata meena ba le yuk ba basi nakpiak ase munsa la, ate ba kan tigsi si ale nisa la.

⁷ Waai dek ale a tiri munsa la a pai ka kutuk ale gbaluk, ba a ju ba kama juijui meena ate ba doa la.>>

⁸ Deevid nuru pagrisaŋa yue ale nna. Joseb Bassebet waai ale jam ka Takemon denɔ la. Wa jam ka Batawa naab. Wa jam pai wa gbaluku a tu chaab ale ka nuruba kobsinaaniŋ, a ko ba jigi yeŋ.

⁹ Waai ale pai saŋ wa la ka Eleaza Ayoyi denɔwa Dodai nidoabinni. Ase nuru pagrisaŋa batawa wanyi la, wa jam bo le ka Deevid ba le jam nak nanpaga ale Filistia demma ba le jam tigsi Pas Dammim, a magsi kpaliŋ la. Izirali demma yaa ŋmani,

¹⁰ alege wa chiib zaani a ko Filistia demma ate wa nisaŋa a ga jiak a maŋ gebika. Naawen a ta ka nakdeka nna yegayega a jam dai dila danni. Tugurik tɔŋdɔma yaa pilim ŋmani Eleaza jigi, alege ka ba tin pai kpiema kɔlimaŋa.

¹¹ Waai ale jam pai saŋ wa la ka Agee, Yarar denɔwa nidoabinni Sammaya. Filistia demma ale jam tigsi chaab jigi kauk kuui ate tue a sueri du la, Izirali demma a jam chali kama.

¹² Alege Sammaya a chiib zaani peelimmu suŋsuŋ. Wa zaani a kpaliŋ a ko Filistia demma a dueni, ate Naawen a ta nakdeka yega a jam.

¹³ Cheka wen, nuruba pisitawa ale a dɛ niŋ la bata yaa jam Deevid jigi Adullam vɔrumu. Dila po dek Filistia demma yaa tigsi Arefaim Viaka.

¹⁴ Dila po Deevid jam bo ka pagrimu jigini, alege ate Filistia demma tugurik tɔŋdɔma tigsuŋku a bo Betiliyem.

¹⁵ Deevid yaa jam a yaali nyiam a weeni ayen, <>

¹⁶ Nuru pagrisaŋa batawa yaa cheŋ va Filistia demma tomtomaŋa po a ga ŋari nyiam vinni ale moata Betiliyem nansuiŋku la a ji bu ta ga te Deevid. Alege wa zɛri wa an nyu ya, wa goanti kpiiri bu basi ka Naawen niŋ.

¹⁷ Wa yaa weeni ayen, <> Dila nyiŋ Deevid a jam zɛri kama an nyu bu. Nuru pagrisaŋa de batawa ale jam nye diila ale nna.

¹⁸ Abisai, Joab suoku Zeruiya nidoabinni ale jam chim Pisitawa kpagi. Wa jam pai wa gbaluku a tu chaab ale ka nuruba kobsita, baai ate wa ko, ate wa yuei a yiti ase mbala Batawa la.

¹⁹ Wa jam ta zula a gaam mbala Pisitawa ale chim ba kpagi, alege wa jam daa Batawa po.

²⁰ Jeyoiada nidoabinni Benaya ale nyini Kabzeel la, a jam tua kama ale kpaliŋ nyeka, waai ale jam nye wakpiema nna yegayega. Wa jam ko ka Moab tɛŋka nidoaba dek baye. Wa jam siŋ ka vɔrup po mɛ ŋmoruk tana dai a ko gbeŋli.

²¹ Wa jam ko Ejipiti nuru naliŋ. Ejipiti denɔwa jam ta ka gbaluk wa nisa po, alege Benaya a jam siti wa kama ale doari. Wa jam chiak gbaluku kama Ejipiti denɔwa nisa po a ko wa ale wadek gbaluku.

²² Wieŋa de ate Jeyoiada nidoabinni Benaya a jam nye la. Wa jam ta yuei ase ka mbala Batawa la.

²³ Wa jam nya zula a gaam mbala Pisitawa meena kama, alege wa an jam gum nuruba Batawa po. Ate Deevid a basi ate wa a nya wa ganidɔma zuk.

²⁴ Nuruba Pisitawa po jam ka Asayel waai ale ka Joab suok la ale Dodo ale nyini Betiliyem la nidoabinni Elhanan ale

²⁵ Sammaya Yarod denɔwa ale Elika Yarod denɔwa ale

²⁶ Yelez Palti denɔwa ale Ikkes ale nyini Tekoa la nidoabinni Ira ale

²⁷ Abiezer ale nyini Anatot la ale Mebunnai Yusat denɔwa ale

²⁸ Zalmon Ayoyi denɔwa ale Mayarai Netofat denɔwa ale

²⁹ Baanaya Netofat denɔwa nidoabinni Yeled ale Aribai ale nyini Gibea ate ka bo Benjamin po la nidoabinni Itai ale

³⁰ Benaya Piraton denɔwa ale Yiddai ale nyini Gaas vooliŋsaŋa la ale

³¹ Abi Albon Arbat denɔwa ale Azmavet Baryum denɔwa ale

³² Eliaba Saalbon denɔwa ale Jasen nidoabilisaŋa ale Jonatan.

³³ Sammaya Yarar denɔwa nidoabinni ale Sarar Yarar denɔwa nidoabinni Ayiam ale

³⁴ Ayasbai Maaka denɔwa nidoabinni Elifelet ale Ayitofel Gilon denɔwa nidoabinni Eliam ale

³⁵ Yezro Karmel denɔwa ale Paarai Arb denɔwa ale

³⁶ Natan ale nyini Zoba la nidoabinni Igal ale Yagri nidoabinni ale

³⁷ Zelek Ammon denɔwa ale Nayarai Beerot denɔwa waai ale a yik Zeruiya nidoabinni Joab kpaliŋ kɔlimaŋa la ale

³⁸ Ira Itri denɔwa ale Gareb Itri denɔwa

³⁹ ale Yuraya Yit denɔwa. Ba meena jam ka pisita ale bayopɔi.