2 Samuel 21 - WEN GBAŊKA

¹ Deevid ale jam a de wa naamu diipo la, kɔm ale jam boro bena ŋata, Deevid yaa puusi a weeni Naawen. Naawen yaa weeni ayen, <>

² Naawen yaa wi Gibeon demma a biisi ale ba. Gibeon demma jam maa daa Izirali demma po alege ka Amori dem baai ale jam vuuk la. Izirali demma jam pɛ kama ayen ba kan ko ba, alege Sɔɔl ale wa nyiŋ zeentika ale jam Izirali ale Juda la a jam yaali ayen wa ko ka ba meena.

³ Deevid yaa bek Gibeon demma ayen, <>

⁴ Gibeon demma yaa tulisi ayen, <>

⁵ Ba yaa tulisi naawa ayen, <>

⁶ Te ti wa ŋaaŋbisa bayopɔi ate ti ko ba abe ti pai sak Naawen niŋ Sɔɔl jigini Gibea waai ate Naawen a lueri la.>> Naawa yaa weeni ayen, <>

⁷ Naawa an jam nye Jonatan nidoabinni Mefiboset waai ale ka Sɔɔl ŋaaŋ la wari ya, dii nyiŋla pɛka ale jam pɛ Naawen niŋ a bo Deevid ale Jonatan suŋsuŋ.

⁸ Alege naawa yaa pai Armoni ale Mefiboset, Aiaya liewa nidoabilisa bayewa ate wa biak te Sɔɔl la, a gum chaab ale Sɔɔl liewa Merab nidoabilisa banuwa ate wa biak te Adriel, Barzillai Meyolat denɔwa nidoabinni la.

⁹ Wa yaa pai ba a te Gibeon demma, baai ale ko ba ale nyati ba guuku zuk Naawen niŋ la. Bayopɔiwa meena jam lo ale ka chaab. Ba jam ko ba ka cheka wenni piilimka daaŋa. Dila po barli cheka a jaa piilim kama.

¹⁰ Aiaya liewa Arizpaya yaa pai garuk zaksik a pati piuŋ zuk a te wadek. A zaani cheka wenni a ga paari diipo ate ŋmoruk a kuri ba nyiŋsaŋa la, wa an te ti wenzuk nuinsa yaase kantueŋŋa yaase gɔi duŋsa a tiri si yowa.

¹¹ Ba le weeni Deevid dii ate Aiaya liewa Arizpaya, Sɔɔl nɔŋku a nye la,

¹² wa jam cheŋ ga pai Sɔɔl ale wa nidoabinni Jonatan kobaŋa Jabes Gilead demma jigi. Ba jam suk pai ŋa kama a nyini nuru boari tuka jigi a bo Bet San po. Dula ate Filistia demma a pai ba a saŋ miisa nyiŋ ba le nak Sɔɔl a lɔnsi Gilboa la ŋaaŋnyiŋ.

¹³ Deevid yaa ta Sɔɔl kobaŋa ale wa nidoabinni Jonatan a nyini dula a jam, ate baai ate ba jam ko ba ale nyati ba la ba tigsi ba kobaŋa dula.

¹⁴ Ba yaa gu Sɔɔl kobaŋa ale wa nidoabinni Jonatan Sɔɔl kowa Kis vɔrumu po Zela tɛŋka ale bo Benjamin po la, ale nye dii meena ate naawa a weeni la. Kula ŋaaŋnyiŋ, Wen yaa jam tulisi puusa tɛŋka nyiŋ.

¹⁵ Kpaliŋ yaa ŋman jam bo Filistia demma ale Izirali demma suŋsuŋ. Deevid yaa cheŋ ale wa nuruma ayen wa kpaliŋ ale Filistia demma a yaa jiak.

¹⁶ Ate Isbi Benob, Arafa ŋaaŋbisaŋa wanyi, waai kuta gbaluk zuk ale jam a nye ase ligbie dobrim kobsita ale jam gomsi wadek ale gebik paalik, a yaa weeni ayen wa le ko Deevid.

¹⁷ Alege Abisai, Zeruiya nidoabinni a jam vari Deevid a basi. Wa nak Filistia denɔwa a lɔnsi a ko. Ate Deevid nuruma a yaa pɛ a te wa ayen, <>

¹⁸ Kula ŋaaŋnyiŋ, kpaliŋ ka choa yaa jam boro ale Filistia demma Gob po. Dila po ate Yusat denɔwa Sibbekai a ko Saf, Arafa ŋaaŋbisaŋa wanyi.

¹⁹ Kpaliŋ ka choa ale Filistia demma ale jam nye Gob po, ate Jaare Oregim nidoabinni Elhanan ale nyini Betiliyem la a ko Gitti denɔwa Goliat waai gbaluk duok ale jam a nye ase chib la.

²⁰ Kpaliŋ ka choa ale ŋman jam nye Gat po la, nuru ganduok ale nandubsa siyuebi naŋsa ale nisa meena, naŋ yeŋ siyuebi nisa mɛ siyuebi, si meena pisiye ale sinaansi. Wa mɛ jam ka Arafa ŋaaŋbiik.

²¹ Wa le jam nye Izirali a la la, Simeaya nidoabinni Jonatan, Deevid suoku a yaa ko wa.

²² Bade banaansiwa jam ka Arafa ŋaaŋbisa a bo Gat tɛŋka, ate Deevid ale wa nuruma jam ko ba.