2 Samuel 2 - WEN GBAŊKA

¹ Kude ŋaaŋnyiŋ, Deevid yaa bek Naawen ayen, <> Naawen yaa tulisi ayen, <> Deevid ŋman bek ayen, <> Naawen yaa tulisi ayen, <>

² Deevid yaa cheŋ jueli dula ale wa pooba bayewa, Ayinoam ale nyini Jezreel la ale Abigail, Nabal ale nyini Karmel la pukɔgini.

³ Deevid yaa ta nidoama ale bo le wa la mɛ a cheŋ, waai meena ale wa dɔkdem, ate ba kali Yebron ale ka tɛŋsaŋa.

⁴ Ate Juda yaa jam Yebron ate ba bobi Deevid naab Juda yenni zuk dula. Ba le weeni Deevid ayen ka Jabes Gilead demma ale gu Sɔɔl la.

⁵ Deevid yaa tom nuruba Jabes Gilead demma jigi ayen ba weeni ba ayen, <

⁶ Yɔgyɔgla de Naawen abe sak ni ŋmanteka ale wensie, abe mi mɛ a sak ni nalim dii nyiŋla ni le nye kude la.

⁷ Yɔgyɔgla de, ni yaa be pagra abe ni tua, ni nyɔnɔwa Sɔɔl a kpi kama, ate Juda yenni a bobi mi naab ba zuk.>>

⁸ Dila po dek Abner Ner nidoabinni, waai ale a nya Sɔɔl tugurik tɔŋdɔma zuk la, a yaa yik Isboset Sɔɔl nidoabinni a ta wa jam Mayanaim.

⁹ Wa yaa nye wa naab Gilead ale Asuri ale Jezreel ale Ɛfraim mɛ ale Benjamin ale Izirali meena zuk.

¹⁰ Isboset Sɔɔl nidoabinni a jam ka bena pisinaansi ale chim naab Izirali zuk, a dɛ naamu bena ŋaye. Alege Juda yenni a jam va ka Deevid,

¹¹ Deevid a jam chim naab a bo Yebron a nya Juda yenni zuk ka bena ŋayopɔi ale chiisa siyuebi.

¹² Ner nidoabinni Abner ale Isboset, Sɔɔl nidoabinni nuruma a gum chaab a basi Mayanaim ale cheŋ Gibeon.

¹³ Zeruiya nidoabinni Joab ale Deevid nuruma a yaa nyini a tu ba Gibeon beli gilinni. Nuruma beŋ kanyi a kali benni kauk ate beŋ kinkala a kali kauk kunkula.

¹⁴ Abner yaa weeni Joab ayen, <> Joab yaa tulisi ayen, <>

¹⁵ Ba yaa yiti zaani ate ba chiini ba, nuruba pi ale baye a magsi Benjamin ale Isboset, Sɔɔl nidoabinni, ate pi ale baye mɛ a magsi Deevid tomteerɔma.

¹⁶ Ate nuru meena a bo wa dachiak zuk a pai wa gebika a chub feri wa dachiaka gauŋku, ate ba meena a lo. Dula jigini Gibeon po ba jam a wi ayen ka Yelkat Yazzurim.

¹⁷ Kpaliŋka dai dila danni jam pagra kama, ate Deevid nuruma jam nak de Abner ale Izirali nuruma.

¹⁸ Zeruiya nidoabilisaŋa batawa, Joab ale Abisai ale Asayel a jam boro kama. Asayel a jam baga a chali kama ase kaab la.

¹⁹ Wa jam vi Abner kama a kan viriŋ juga yaase gala.

²⁰ Abner yaa cheem ŋaaŋ a bek ayen, <> Wa yaa tulisi ayen, <>

²¹ Abner yaa weeni wa ayen, <> Alege Asayel a kan basi wa vi ka.

²² Abner a ŋman kaam wa ayen, <>

²³ Alege Asayel an siak basi wa vi ka. Abner yaa pai wa gbaluku zukku a chub Asayel lɔgni ate gbaluku a vuri a taam nyini wa ŋaaŋka. Wa yaa lo dula a kpi. Ate nuru meena a wari zaani juijui ate Asayel a lo a kpi la.

²⁴ Alege Joab ale Abisai a vi Abner, junɔi ba yaa jam Ammaya guuku, a moata Gia a bo suik kuui ale a cheŋ Gibeon tɛŋka ale doa kinla la.

²⁵ Ate Benjamin nuruma yaa va Abner ŋaaŋ. Ba yaa gum chaab a chiib zaani guuku zuk.

²⁶ Abner yaa kaari wi Joab a weeni ayen, <>

²⁷ Joab yaa tulisi ayen, <>

²⁸ Joab yaa peeri damuniŋka, ate nuruma meena a pai basi. Ba an ŋman vi Izirali yaase ba nye kpaliŋŋa.

²⁹ Yok kula meena Abner ale wa nuruma yaa gɔk santiri a va Araba po. Ba lo Jodan benni jueli, a va Bitron meena po a jam Mayanaim.

³⁰ Joab yaa nyini Abner vika a ŋmani a tigsi wa nuruma meena. Deevid nuruba pi ale neok ale jam kpi a gum Asayel po.

³¹ Alege Deevid nuruma a jam ko ka Benjamin dem kobsita ale pisiyuebi baai ale jam bo ale Abner.

³² Ba yaa pai Asayel a gu wa kowa vɔrumu po Betiliyem. Joab ale wa nuruma yaa gɔk santiri yokku meena a ga paari Yebron varivientidi.