2 Samuel 12 - WEN GBAŊKA

¹ Naawen yaa tom Natan Deevid jigi. Wa le jam wa jigi la, wa yaa weeni ayen, <

² Jigsirɔwa a jam ta ka piisa ale niiga a piisi,

³ alege nuru jakka a ka jaaboa ka pasari biik ate wa da. Wa yaa wuuk ate di pak ale wa ale wa bisaŋa. Di maara dɛ wa ŋandiintaŋa ale a nyu nyiam wa beerika po ale a kpagli wa nisima a goa. Di jam a nye ase ka wa lie la.

⁴ Nuru yaa nyiem jam jigsirɔwa jigi, alege jigsirɔwa a zɛri wa an yik wadek posuk yaase naab ayen wa nye ŋandiinta a te nichaanɔwa ale jam wa jigi la. Wa goanti yik ka pasanni ate nuru jakka a soa la a nye ŋandiinta a te waai ale jam wa jigi la.>>

⁵ Deevid sui yaa a dɛ nna pɔkpɔk ale nuru wala a yaa weeni Natan ayen, <

⁶ Ku a fɛ ate wa tuni pa kula nyiŋ naŋtuok nɔi bunaansi, dii nyiŋla wa an nye wanni de ale jiirimmoa.>>

⁷ Natan yaa weeni Deevid ayen, <

⁸ Mi pai fi nyɔnɔwa yenni a te fu kama, ale pai fi nyɔnɔwa pooma a nyo fi nisima po. Mi pai Izirali yenni ale Juda a te fu. Ate kude meena a dan fiisa a te fu, mi ate le te fu yega a gum du.

⁹ Ka boa ale soa ate fi valiŋ Naawen wanni a nye dii ale kan nala wa nina po la? Fi ko Yuraya Yit denɔwa ale gebik ale pai wa powa ate wa chim fi pok. Fi ko wa ale Ammon demma gebika.

¹⁰ Yɔgyɔgla de gebika a kan maa basi fi yenni, dii nyiŋla fi valiŋ mi kama alege pai Yuraya Yit denɔwa powa ate wa chim fi pok.

¹¹ Dii ate Naawen a weeni la ale nna.

¹² Fi suk a nye kude kama, alege mi le nye kude ka kantueŋ Izirali meena nimbie po.

¹³ Deevid yaa weeni Natan ayen, <> Natan mɛ yaa tulisi ayen, <

¹⁴ Alege fi le nye nnawa la nyiŋ fi basi kama ate Naawen dachaasaŋa a kan sak zula, nidoabi dii ate fi biak la ale kpi.

¹⁵ Natan ale kuli la ŋaaŋnyiŋ, Naawen a yaa basi ate biika Yuraya powa a biak te Deevid la a yuagi.

¹⁶ Deevid a saalim Wen a te biika. Wa bobi nɔi a jo wa yenni po a doa tɛŋ a puusi yɔktaŋa.

¹⁷ Wa yenni nisɔmma a za wa gauŋ ayen wa yiti, alege wa zɛri a kan yaali wade ŋandiinta ale ba.

¹⁸ Daa ŋayopɔiwa danni biika a kpi. Deevid tomteerɔma a chali yɔgsum ale ba le weeni wa ayen biika a kpi, diila ba poli kama ayen, <>

¹⁹ Deevid yaa miŋ ayen wa tomteerɔma a waasi ale chaab ate wa miŋ ayen biika a kpi kama. Wa yaa bek ayen biika a kpi kama? Ba yaa tulisi ayen, <>

²⁰ Deevid yaa yiti ŋmai. Wa le so wa nyiŋka la ŋaaŋnyiŋ, wa yaa sa kpaam ale tagri wa gattaŋa, a jo Naawen yenni a puusi. Wa yaa cheŋ wadek yenni, wadek yaa bek ŋandiinta ate ba te ate wa dɛ.

²¹ Wa tomteerɔma yaa bek wa ayen, <>

²² Wa yaa tulisi ayen, <

²³ Alege yɔgyɔgla de ate wa kpi la, ka boa ale soa ate mi a bobi nɔi ya? M ŋman baga a ta wa a ŋmani? Mi le cheŋ wa jigi, alege wa kan ŋmani a jam mi jigi ya.>>

²⁴ Deevid yaa biisi suiyɔgni wie a te wa powa Batseba, ale cheŋ wa jigi a goa ale wa. Wa yaa biak nidoabili ate ba te wa yuei ayen Solomon. Ate Naawen a yaali wa.

²⁵ Naawen abe le a yaali wa la nyiŋ, wa yaa tom wari a va Natan biisiteerɔwa ayen wa te wa yuei ayen Jedidiya.

²⁶ Dila meena Joab a kpaliŋ kama ale Arabba ale ka Ammon demma tɛŋ la a tuesi naamu yie pagrika.

²⁷ Joab yaa tom nuruba Deevid jigi a weeni ayen, <

²⁸ Yɔgyɔgla de tigsi tugurik tɔŋdɔ mbala a ga gilim tɛŋka, a tuesi ka. Dan kan daa di mi le tuesi tɛŋka, ate ba pai mi yuenni te ka.>>

²⁹ Deevid yaa tigsi tugurik tɔŋdɔma meena a cheŋ Arabba, a siti ka ale tuesi ka.

³⁰ Wa yaa lak naam zutɔkka ba naawa zukku po, ka dobrimu jam ka ligmɔniŋ boorik dobrim, ate ba kali tintain naliŋsa ka nyiŋ. Ba yaa pai ka a vuk Deevid zukku po. Wa jam kɔlim ka ŋanta nna yegayega tɛŋka po.

³¹ Ate wa yaa ta nuruma a nyini jam dula, a te gebi nyina ale pengaasa ale laasa ayen ba a tom tuima. A basi ate ba a nak peela. Wa jam nye ka nna Ammon demma tɛŋsaŋa meena. Ate Deevid ale wa tugurik tɔŋdɔma meena yaa ŋman cheŋ Jerusalem.