2 Samuel 11 - WEN GBAŊKA

¹ Wenkarika po diipo ate nalima a cheŋ kpaliŋ la, Deevid yaa tom Joab ale naawa nuruma ale Izirali tugurik tɔŋdɔma meena. Ba yaa ko Ammon demma ale gilim Arabba tɛŋka. Alege Deevid a wari bo Jerusalem.

² Junɔi yeŋ Deevid yaa yiti wa gaduokku zuk a yaa cheŋ wa gboŋku zuk a gilim. Wa yaa zaani gboŋku zuk a nya nipok a boro a so wa nyiŋ. Nipowa jam nala ka nna yegayega,

³ ate Deevid yaa tom nuru ayen wa bek wa wari wom. Nuruwa yaa weeni ayen, <>

⁴ Deevid yaa tom nuruba ayen ba ta wa jam. Wa yaa jam ate wa goa ale wa. Wa diem jam so ka wadek wa le lo chiak a nueri la. Ate wa yaa ŋman kuli.

⁵ Nipowa yaa yik lɔgi a tom weeni Deevid ayen, <>

⁶ Deevid yaa te tontomiŋka de Joab ayen, <> Ate Joab a te ate wa cheŋ Deevid jigi.

⁷ Yuraya ale jam wa jigi la, Deevid yaa bek wa Joab ale ka diila ale tugurik tɔŋdɔma ale ka diila ale kpaliŋka ale a cheŋ diila.

⁸ Deevid yaa weeni Yuraya ayen, <> Yuraya yaa basi naawa yenni, ate ba ta tiirim nyini naawa jigi a vi wa.

⁹ Alege Yuraya a goa naawa yenni nansuiŋku nɔi ale wa kpagni tomteerɔma meena alege an cheŋ siŋ wa yenni.

¹⁰ Ba le weeni Deevid ayen, <> Wa yaa bek ayen, <

¹¹ Yuraya yaa weeni Deevid ayen, <

¹² Deevid yaa weeni wa ayen, <> Yuraya yaa goa dai dila danni ale dichoawa.

¹³ Deevid yaa wi wa ate wa de ale nyu ale wa. Deevid jam basi kama ate wa buk. Alege junɔinni Yuraya a nyini a goa peelim wa tiaka po ale wa nyɔnɔwa tomteerɔma, wa an kuli ya.

¹⁴ Saluiku Deevid yaa ŋmarisi gbaŋ a te Yuraya ayen wa ta ga te Joab.

¹⁵ Ka po wa ŋmarisi ayen ka, <>

¹⁶ Joab ale jam gilim tɛŋka la, wa yaa pai Yuraya a basi kauk kuui ate wa seba ayen pagrɔma a boro la.

¹⁷ Tɛŋka demma ale nyini kpaliŋ ale Joab la, nuruma gela Deevid tugurik tɔŋdɔma po a yaa lo kpi, Yuraya Yit denɔwa yaa kpi.

¹⁸ Joab yaa tom dii meena ale nye kpaliŋka po la a te Deevid.

¹⁹ Wa yaa sak waai ate wa tom la ayen, <

²⁰ naawa sui a baga a yiti kama, ate wa baga a bek fu ayen,

²¹ Ka wana ale ko Jerub Beset nidoabinni Abimelek? Daa nipok ale zaani parika zuk a pai niri a yuk lɔnsi wa zuk ate wa kpi Tebez? Ka boa ale soa ate fi cheŋ a moata parika? Wa dan bek fu nna yaa be weeni wa ayen, >

²² Waai ate wa tom la yaa basi dula, wa le paari la wa weeni Deevid dii meena ate Joab a tom wa ayen wa weeni la kama.

²³ Waai ate Joab a tom la yaa weeni Deevid ayen, <

²⁴ Ate tɔŋdɔma a zaani parika a tɔŋ fi tomteerɔma peema ate naawa nuruma gela a kpi. Fi tomteerɔwa Yuraya Yit denɔwa mɛ a kpi kama.

²⁵ Deevid yaa weeni waai ale ta tontomiŋka a jam la ayen weeni Joab ayen, <

²⁶ Yuraya powa ale wom ayen wa chorɔwa a kpi la, wa yaa kum wa nyiŋ.

²⁷ Kumsaŋa ale ga taam la, Deevid yaa te ba ta wa jam wa yenni, ate wa chim wa pok a biak nidoabili a te wa. Alege wa dii ate Deevid nye la an peenti Naawen sui ya.