2 Samuel 10 - WEN GBAŊKA

¹ Kude ŋaaŋnyiŋ, Ammon demma naawa yaa kpi, ate wa nidoabinni Yanun a tuesi naamu.

² Deevid yaa poli ayen, <

³ Ammon demma nuru kpienta yaa weeni ba nyɔnɔwa Yanun ayen, <

⁴ Yanun yaa yik Deevid nuruma, a chiiri nuru meena teeŋ geli ale gebi ba gattaŋa suŋsuŋ butagkolaŋa geŋ ale basi ate ba cheŋ.

⁵ Deevid ale wom nna la, wa yaa tom nuruba ate ba tu nuruma, diila ba nye ba chivie ka nna yegayega. Naawa yaa weeni ba ayen, <

⁶ Ammon demma ale poli ayen ba chim ka nyum Deevid nyue po la, ba yaa pai Araam tugurik tɔŋdɔba tusa pisiye (20,000) a nyini Bet Areyob ale Zoba, ale Maaka naawa ale nuruba tusidi, ale nuruba tusa pi ale ŋaye (12,000) a nyini Tob.

⁷ Deevid ale wom kude la wa yaa te Joab a nyini ale tugurik tɔŋdɔma meena.

⁸ Ammon demma yaa nyini a zaani miminuŋ tɛŋka nansuiŋku a tuak ba tɛŋka tuoku nɔi alege Araam demma ale nyini Zoba ale Areyob la ale Tob ale Maaka nuruma a nyini zaani badek a magsi ba kpaliŋ peelimmu niŋ.

⁹ Joab yaa le jam nya ayen kpaliŋka miminuŋ a bo wa niŋ ale wa ŋaaŋ la, wa yaa yeeri tugurik tɔŋdɔba dek ale bo Izirali la a te ba ga tu Araam demma.

¹⁰ Wa yaa pai nuru mbala a te ate Abisai wa suoku a nya ba zuk a basi ate ba ga tu chaab ale Ammon demma.

¹¹ Joab yaa weeni ayen, <

¹² Ni pagra abe ni tua ate ti kpaliŋ a te ti nuruma ale ti Wenni tɛŋsaŋa. Naawen ale nye dii ale nala la wa nina po.>>

¹³ Joab ale wa tugurik tɔŋdɔma yaa duŋ Araam demma nyiŋ ayen ba kpaliŋ ale ba, ate ba chali ba nimbie po.

¹⁴ Ammon demma ale nya ayen Araam demma a chali la, ba mɛ yaa chali Abisai nimbie po a ga jo tɛŋka po. Joab yaa nyini kpaliŋka po a ŋman cheŋ Jerusalem.

¹⁵ Ku ŋaaŋnyiŋ ate Araam demma a nya ayen Izirali demma a yiak ba la, ba yaa ŋman tigsi.

¹⁶ Yadadezer yaa ta Araam demma a nyini Benni ŋaaŋnyiŋ a jam, ba yaa cheŋ Yelam, ate Yadadezer tugurik tɔŋdɔma kpagni Sobak a de ba niŋ.

¹⁷ Ba le weeni Deevid kude la, wa yaa tigsi Izirali meena, a lo Jodan Benni jueli a cheŋ Yelam. Araam demma yaa zaani miminuŋ ayen ba tu Deevid a kpaliŋ ale wa.

¹⁸ Alege ba chali Izirali demma nimbie po, ate Deevid a ko ba toroko duerɔma kobsiyopɔi ale tugurik tɔŋdɔ baai ale a cheŋ naŋta la tusa pisinaansi (40,000). Wa nak Sobak mɛ ba tugurik tɔŋdɔma niŋdeerɔ wa a lɔnsi, ate wa kpi dula.

¹⁹ Nalim ŋaai meena ale jam siak a te Yadadezer la ale nya ayen Izirali a nak ba a de la, ba yaa nye suiyɔgni nɔiyeŋ ale Izirali demma a siak te ba. Dila nyiŋ Araam demma a jam a chali ka yɔgsum ale Ammon demma maarika ŋmana.