2 Samuel 1 - WEN GBAŊKA

¹ Sɔɔl kummu ŋaaŋnyiŋ, Deevid yaa nyini wa le nak a de Amalek demma la a jam bo Ziklag daa ŋaye.

² Daa ŋatawa danni nuru yaa nyini Sɔɔl tigsuŋku jigini a jam, ate wa gattaŋa a cheeri ate tanta a bo wa zukku po. Wa le jam Deevid jigi la, wa yaa lo tɛŋ a te wa zula.

³ Deevid yaa bek wa ayen, fi nyini ka bɛ a jam? Wa yaa tulisi ayen, <>

⁴ Deevid yaa bek ayen, <

⁵ Ate Deevid a weeni nidoawa ale ta wanni jam weeni la ayen, <>

⁶ Nidoawa yaa weeni ayen, <

⁷ Wa le cheemu a nya mi la, wa yaa wi mi, ate mi a weeni ayen, <>

⁸ Wa yaa bek mi ayen, <> Mi yaa tulisi ayen, <>

⁹ Wa yaa weeni mi ayen, <

¹⁰ Mi yaa zaani wa zuk a ko wa, dii nyiŋla mi seba kama ayen wa dan lo wa kan vuugi. Ate mi yaa lak wa naam zutɔkka wa zukku po ale yeeri pɔnni wa nisaŋa po a ta ba jam m nyɔnɔwa jigi.

¹¹ Ate Deevid ale nuruma meena ale bo ale wa la a yik ba gattaŋa a dari cheeri.

¹² Ba yaa kum ale bobi nɔi a ga paari junɔi a te Sɔɔl ale wa nidoabinni Jonatan ale Naawen tugurik tɔŋdɔba ale Izirali yenni, diila ba ko ba ale ka gebik.

¹³ Deevid yaa weeni nidoa waai ale ta wanni a jam weeni wa la, <> Wa yaa weeni wa ayen, <

¹⁴ Deevid yaa bek wa ayen, <>

¹⁵ Deevid yaa wi wa nuruma wanyi a weeni ayen, <

¹⁶ Deevid a poom weeni wa kama ayen, < >>

¹⁷ Deevid yaa kum kumsaŋa de a te Sɔɔl ale wa nidoabinni Jonatan

¹⁸ ale weeni ayen ba sak Juda demma tommu de kumsaŋa. Si ŋmarisi doa ka Jasar Gbaŋka po.

¹⁹ Izirali, fi zulaŋa a kpi kama a doa guutaŋa zuk. Nya tanjaŋŋa ale lo dii ya.

²⁰ Kan weeni di wari Gat po, kan mooli di Askelon suitaŋa po, fi dan nye dila Filistia liema sue ale peenti, fi dan nye dila baai ale kan gebi ba yua la lieba ale naŋ.

²¹ Gilboa guutaŋa, ni kan nya maglim yaase ŋmoruwa, yaase laŋsa ŋanta a be ŋanbie. Diila dula ale pagrɔwa jaligimmu a taŋ, Sɔɔl jaligimmu an ŋman sa kpaammoa.

²² A nyini baai ate ba ko la ziimu po, a nyini pagrɔma nyiŋ lantaŋa po, Jonatan tommu an ŋmani ya, Sɔɔl gebika an ŋmani kinla.

²³ Sɔɔl ale Jonatan boka po nuruba a jam yaali ba kama nalimnyiini, kum po ba an poori chaaba. Ba jam kpabi a gaam jiirita kama, ba jam pagra a gaam gbeŋma kama.

²⁴ Izirali lieba, ni kum te Sɔɔl, waai ale jo ni ale garuk mɔnta ale nalim, waai ale ŋmirisi ni gattaŋa ale ligmɔniŋ.

²⁵ Nya pagrɔma ale lo kpaliŋ po dii. Ba ko Jonatan a dueni ni guutaŋa zuk.

²⁶ Ku a daani m suinum fi nyiŋ, Jonatan m suokwa, fi jam ta yaalika ale mu. Fi yaalika ale mi jam ka nna kperikperiga, kperikperik nna yegayega a gaam nipooba.

²⁷ Nya pagrɔma ale lo dii. Tugurik tɔŋdɔba a kpi ya.