2 Ŋiak Wie 2 - WEN GBAŊKA

¹ Solomon yaa jam weeni ayen ba sɛ yeri Naawen Yuenni nyiŋ ale naam yeri a te wadek.

² Wa jam lueri ka nidoaba tusa pisiyopɔi (70,000) ase jiirɔba la ale nidoaba tusa pinaanuŋ (80,000) ase tanmobrɔba la guutaŋa zuk ale nidoaba tusa ŋata ale kobsiyuebi (3,600) ayen bala a nya tuini zuk.

³ Solomon a jam tom tontomiŋka de a te ka Taaya naawa Yuram ayen, <

⁴ Yɔgyɔgla de mi a yaali ayen m sɛ ka yeri a magsi Naawen m Wenni Yuenni a pai di a nyo wa nisa po a magsi ŋan baai nyum ale masa la juka a magsi boroborok weleŋka duenika, a magsi juka tiirita nyeka saluik ale junɔi meena, a magsi Vuusum Daaŋa ale Chiik Paalisa ale Naawen ti Wenni tiŋŋa. Kude ale chim ka wa dii ale di beni a te Izirali demma.

⁵ <

⁶ Alege ka wana ale baga a sɛ yeri a te wa, ase wenŋmazuk, poom daa wenŋmazukku dega, dula a kan jo wa. Mi ka wana ayen m sɛ yeri a te wa, ka juka kaabka jigi ate m baga sɛ a te wa.

⁷ <

⁸ <

⁹ ate ba te mu daata yega, dii nyiŋla Naawen yenni ate mi a yaali ayen m sɛ la ku a fɛ ate di zuak.

¹⁰ Mi ale te fi tomteerɔma, dacheerisaŋa baai ale a che tiisaŋa la muma boorisa tusa pisiye (20,000) ale zamɔnta boorisa tusa pisiye (20,000) ale daam samɔnsa tusa pisiye (20,000) ale kpaam samɔnsa tusa pisiye (20,000).>>

¹¹ Taaya naawa Yiram yaa ŋmarisi gbaŋ a tulisi Solomon ayen, <>

¹² Yiram a jam weeni a gum du ayen, <

¹³ <

¹⁴ waai ma ale nyini Dan dɔkku ate wa kowa a nyini Taaya la. Wa zamsi kama a tom ligmɔniŋ ale kpana ale kutuk mɔnuŋ ale kuta ale tintana ale daata tuima, wa jam maa seba garuk miik ŋmiŋmirita ale garuk miik sobta ale garuk miik mɔnta ale garuk naliŋsa yɔkka kama. Wa jam seba ka ŋanta tɔgatɔga nyiŋ ŋmarisika ale baga a gobi ŋanta ate fi dan te wa ayen wa nye wa nye la. Wa ale tom ale fi nuruma ale m nyɔnɔwa Deevid fi kowa nuruma.

¹⁵ <

¹⁶ ate ti che da tii meena ate fi a yaali la Lebanon po a bobi ti a maŋ chaab a lo nyakpiemu a jueli Jopa a te fu. Fi yaa le pa ti dula a ta cheŋ Jerusalem.>>

¹⁷ Solomon yaa jam chiini nichamma meena baai ale jam bo Izirali po la, wa kowa Deevid ale jam chiini la ŋaaŋnyiŋ. Ba jam ka nuruba tusa kook ale pisinu ale ŋata ale kobsiyuebi (153,600).

¹⁸ Wa jam lueri ka nuruba tusa pisiyopɔi (70,000) ate ba chim jiirɔba ate tusa pinaanuŋ (80,000) a chim tain mobrisa guutaŋa zuima, ate tusa ŋata ale kobsiyuebi (3,600) a nya nuruma zuk ate ba a tom.