2 Nalima 3 - WEN GBAŊKA

¹ Jeyoram ale ka Ayab nidoabili la, a jam chim ka Izirali naab a bo Samaria po diipo ate Jeyosafat a jam chim naab a bo Juda a paari bena pi ale naaniŋ po la. Joram abe jam kali naamu zuk a paari ka bena pi ale ŋaye.

² Wa jam nye ka biem Naawen niŋ, alege wa an jam nye a paari wa kowa ale wa mawa ale jam nye diila. Baal tintain ferini ate wa kowa a jam nye la, wa jam kpiti ŋa a basi kama.

³ Alege wa jam bo ka Nebat nidoabinni Jeroboam wabaataŋa po, ate wa jam te Izirali a nye. Wa an jam pai ŋa a basi ya.

⁴ Yɔgyɔgla de Mesa ale ka Moab naab la a jam wuuk ka piisa, ate wa magsi ayen wa te Izirali naawa pabisa tusa kook (100,000) ale padaasa tusa kook (100,000) kɔbta.

⁵ Alege Ayab ale jam kpi la ŋaaŋnyiŋ Moab naawa a jam ta ka chaab ale Izirali naawa.

⁶ Dila va ŋala po naab Jeyoram a jam gomsi kama a nyini Samaria ale ta Izirali meena a jam jigi yeŋ.

⁷ Wa jam weeni ka wari a te Jeyosafat ale ka Juda naab la ayen, <

⁸ Jeyoram yaa bek wa ayen, <> Ate wa tulisi ayen, <>

⁹ Dila Izirali naawa ale Juda naawa ale Edom naawa a yaa nyini. Ba ale gɔk santiri a gilim a paari daa ŋayopɔi la, tugurik tɔŋdɔma a ŋman ka nyiam a nyu ba dega yaase ba duŋsaŋa a nyu.

¹⁰ Izirali naawa yaa na ayen, <>

¹¹ Alege Jeyosafat a jam bek ayen, <> Izirali naawa kpagi yaa tulisi ayen, <<Ɛlaisa ale ka Safat nidoabili la a bo dela. Wa jam ka Elaja tomteerɔ.>>

¹² Jeyosafat yaa jam weeni ayen, <> Ate Izirali naawa ale Jeyosafat ale Edom naawa a yaa jam cheŋ wa jigi.

¹³ Ɛlaisa yaa jam weeni Izirali naawa ayen, <> Izirali naawa yaa tulisi ayen, <>

¹⁴ Ɛlaisa yaa jam weeni ayen, <

¹⁵ Alege ni ta waai ale a nak kpanuŋ la a jam te mu.>> Ase kpanuŋ nagrɔwa ale jam boro a nak la, ate Naawen nisa a yaa jam Ɛlaisa zuk,

¹⁶ ate wa weeni ayen, <

¹⁷ Dii ate Naawen a weeni la ale nna ayen, fi a kan nya viok yaase ŋmoruwa, alege viaka de ale sueri ale nyiam, ate fi ale fi niiga ale fi duŋ yonsaŋa ale nyu nyiam.

¹⁸ Nya kude ka moali Naawen nina po. Wa ale pai Moab a nyo ni nisa po.

¹⁹ Ni ale nya pagrim tɛŋ pagrik ale tɛŋ kpieŋ meena zuk. Ni ale che tiib maŋsa meena a lɔnsi tɛŋ, abe ni si bulisa meena, abe ni pai tana a kaasi tɛŋ maŋsaŋa meena.>>

²⁰ Vanni ale veenti la, a moata diipo ate ba a nye kaabka la, nyiam ale jam nyini Edom tɛŋka geŋsaŋa a jam sueri tɛŋka!

²¹ Yɔgyɔgla de Moab demma a jam wom kama ayen nalimaŋa a jam kama ayen ba nye kpaliŋ ale ba. Ate nuru meena, bi paalukku ale ŋankpagsa ale baga a yik kpaliŋ kɔlima la, ba jam wi ba kama a ta ba ga zaani tɛŋka banni.

²² Ba ale jam yiti saluik yokyokku la, wenbinni a jam a nyaksi nyiamu zuk kama. Moab demma ale jam gaam suiku a za la jigi, ku jam muni ka nna gbaŋgbaŋ ase ziim la.

²³ Ba yaa weeni ayen, <>

²⁴ Alege Moab demma ale jam cheŋ Izirali bo ka jigini la, Izirali demma a yiti kama a kpaliŋ ale ba ate ba chali be. Ate Izirali demma a fɛ jo tɛŋka po a yik Moab demma a tɔgri.

²⁵ Ba jam kaasi tɛŋsaŋa kama, ate nuru meena a yuk tana a basi tɛŋ maŋ meena zuk ate tanaŋa a ga lik ka. Ba jam si bulisaŋa meena kama ale che tiib maŋ meena a lɔnsi. Ka Kir Yareset nyiini ale jam tali ate ka tanaŋa a doa si jigini, alege nuruba ale jam ta visiŋsa a gilim ka ale siti ka mɛ.

²⁶ Moab naawa ale jam nya ayen kpaliŋka a baga wa la, wa jam pai ka nuru baai ale ta gebik woŋsa la kobsiyopɔi ayen ba nya nakdeka Edom naawa zuk alege ba jam nye kpeeri kama.

²⁷ Ate wa pai bi kaai ate wa dɛ niŋ a biak la, waai ate wa dan kan boro wa tagri wa zuk a chim naab la, a nye kaabka tɛŋka parika zuk. Ba sueŋa a jam a puuri ale Izirali ka nna yegayega. Izirali demma yaa jam pai basi ale ŋman cheŋ badek tɛŋka po.