1 Samuel 8 - WEN GBAŊKA

¹ Samuel yaa le jam kpaŋ la wa yaa lueri wa bisa baye ayen ba chim Izirali niŋdeerɔba.

² Wa bikpagni yuei jam le Joel, waai ale pai saŋ la yuei ale Abaija. Ba jam a tom ka Beerseba.

³ Alege wa bisaŋa an jam va wa nye maŋka. Ba jam a gebi ka nuruma ŋanta a nya ba ŋantaŋa. Ba jam basi ate ka nuruba a da ba ale ligra ate ba kan bo buusa a magsi. Ba jam ŋmani a te ka baai ale a da bala.

⁴ Izirali nisɔmma yaa jam jigi yeŋ ayen ba nya Samuel Arama tɛŋka.

⁵ Ba yaa weeni wa ayen, <>

⁶ Samuel ale wom ayen ba a yaali naab la wa sui an peenti ya. Wa yaa puusi te Naawen ayen wa sak wa.

⁷ Alege Naawen yaa weeni wa ayen, <

⁸ A zaani diipo ate mi ta ba nyini Ejipiti tɛŋka po nyini la, ba kasim a zɛri mi kama alege a va wena. Dila dek ate ba a nye fi mɛ.

⁹ Wom ba le a weeni diila, alege chiib kpaam ba naawa ale za wa yaali ayen ba nye dii te wa la.>>

¹⁰ Samuel yaa jam weeni Naawen wieŋa meena a te nuru baai ale jam bek a yaali naab la.

¹¹ Wa weeni ba ayen, <

¹² Wa le lueri ni gela ate ba a nya tugurik tɔŋdɔba tusidi tusidi zuk ate ba gela a nya tugurik tɔŋdɔba pisinu pisinu zuk. Wa le basi ate ba gela a kpa wa tattaŋa abe ba che wa ŋantaŋa. Wa le basi ate ba gela a nye gbatta ale gebik woŋsa, ale ŋanta a magsi kpaliŋ torokoba.

¹³ Ni liema wa le basi ate ba a nye kpa buui nyum ale masa, abe ba gela a dik a te wa nuruma. Abe ba gela a nye boroborok a te ba.

¹⁴ Wa le tuesi ni laŋsaŋa po ŋan baai ale zunchoŋ la, ale ni kaduksaŋa yɔn maŋsaŋa a te baai ale tom a te wa la.

¹⁵ Ni kpanni ŋantaŋa ale ni daamu meena piika po wa le yeeri bunyi bunyi a te wa kpaŋŋa ale wa yɔmma.

¹⁶ Wa le lueri ni nuruma gela nidoaba ale nipooba ate ba a tom wa yenni. Wa le lueri ni naab maŋsaŋa ale ni bon maŋsaŋa a te wadek.

¹⁷ Daa dila nyiini piisa ale bua meena piik po wa le lueri kunyi. Di kpeglimka meena ni le chim ni naawa yɔm.

¹⁸ Kula dan nye ni le kum a wi Naawen ayen wa basi ate ni naawa a ta jiirim ale ni. Alege Naawen a kan wom ni. Samuel ale weeni diila ale la.>>

¹⁹ Alege nuruma a zɛri ba an wom Samuel. Ayen, <

²⁰ Ti a yaali ka naab ayen wa a dɛ ti niŋ ate ti a cheŋ kpaliŋsa ate tama mɛ a nye ase tɛŋ yonsa ale ta nalima diila.>>

²¹ Samuel ale wom dii meena ate nuruma weeni la, wa yaa ŋman weeni sak Naawen.

²² Ate Naawen yaa tulisi ayen, <> Samuel yaa weeni Izirali demma ayen waai meena a kuli.