1 Samuel 7 - WEN GBAŊKA

¹ Kiriat Jearim demma yaa ga pai Naawen nɔiyeŋ dakanni a ta jam Abinadab yenni. Di jam za ka guuk zuk. Ba yaa jam gaari Abinadab nidoabinni Eleaza ayen wa a nya dakanni zuk.

² Nɔiyeŋ dakanni a jam Kiriat Jearim a beni kama a paari bena pisiye. Ate Izirali demma yaa kaari a saalim Naawen ayen wa maari ba.

³ Ate Samuel yaa weeni Izirali demma ayen, <>

⁴ Izirali demma yaa basi Baal ale Astarot bɔgtaŋa vaka ale va Naawen nyiini.

⁵ Samuel yaa weeni niŋdeerɔma ayen, <>

⁶ Ba le tu Mizpa la, ba yaa ŋari nyiam a kpiiri a basi ase tiirim la a te Naawen. Da dila danni ba bobi ka nɔi a puusi a weeni ayen, <> Samuel jam le ba niŋdeerɔ Mizpa po.

⁷ Filistia demma yaa wom ayen Izirali demma a tu chaab Mizpa. Nalima ŋanuwa yaa dɛ ba tugurik tɔŋdɔma niŋ ayen ba siti Izirali demma. Izirali demma ale wom ayen Filistia demma a cheen ba jigi la ba yaa chali yɔgsum.

⁸ Ba yaa weeni Samuel ayen, <>

⁹ Samuel yaali pabiik a nye kaabka ase juka tiirim la a te Naawen. Wa yaa puusi a te Naawen ayen wa vari Izirali basi ate Naawen a tulisi wa.

¹⁰ Diipo ate Samuel boro a nye kaabka la, ale Filistia demma a poom cheŋ moata kama ayen ba nye kpaliŋ. Naawen yaa basi ate wenni a na nyigsi Filistia demma, ate ba nyiŋsa a gɔk ate ba a chali.

¹¹ Izirali tugurik tɔŋdɔma yaa chali Mizpa tɛŋka po a vi Filistia tugurik tɔŋdɔma a ko ba Bet Kar suiku po.

¹² Samuel yaa pai tintain a ti Mizpa ale Sen suŋsuŋ a yaa te jigini yuei ayen, Ebenezer, <>

¹³ Ba jam nak dɛ Filistia tugurik tɔŋdɔma kama. Naawen an ŋman jam basi ate ba soa Izirali tɛŋka kauk kuui ya Samuel daaŋa po.

¹⁴ Izirali tɛŋ sii ale jam bo Ekron ale Gat suŋsuŋ ate Filistia demma jam tuesi soa la, a ŋman jam chim ka Izirali tɛŋsa. Daa dila nyiini Amori demma a jam basi kpaliŋ nyeka ale Izirali kama.

¹⁵ Samuel kasim a nya Izirali tɛŋka zuk kama ase niŋdeerɔ la wa boka meena po.

¹⁶ Ben meena wa nyiem nyini ka Arama a gilim va Betel ale Gilgal ale Mizpa a bo Izirali demma buusa jiŋŋa de meena.

¹⁷ Wa dan nueri wa tuimaŋa wa nyiem ŋman kuli ka wa tɛŋka Arama. Wa jam sɛ ka kaabka kuŋkuŋ dula jigini a te Naawen.