1 Samuel 5 - WEN GBAŊKA

¹ Filistia demma ale tuesi Naawen nɔiyeŋka dakanni Izirali demma jigi la, ba pai ta nyini Ebenezer a cheŋ ka ba tɛŋka Asdod.

² Ba yaa ta di jo ba wenni Dagon yenni po a yaa pai zaani di gauŋ.

³ Asdod demma yaa yiti saluik yokyokwa. Ba le cheŋ wenni yenni la ba yaa nya wenni Dagon lo kama pai nyue vuk tɛŋ nɔiyeŋka, dakanni niŋ. Ba yaa ŋman zak Dagon zaani di zaanaŋa.

⁴ Saluik yokyokwa Asdod demma ŋman yiti a nya wenni Dagon lo kama po nyiŋ a dua nɔiyeŋka dakanni niŋ. Yɔgyɔgla de luetaŋa ku zukku ale di nisimaŋa a wɛ kama a dua tuoku nɔi. Di nyiŋka nyiini ale kan wɛ ya.

⁵ Kude nyiŋ, a nyini dila po a cheŋ baai ale a kaab Dagon la a daa jo wenni yenni po ba kan tabi juijui ate wenni jam lo dua la. Ba nyiem gaam tabi kama taam.

⁶ Naawen jam namsi Asdod demma kama ale baai meena ale bo gilagilawa la. Wa jam basi ate ba nam ka nna yegayega. A basi ate ŋan pagra a moari ba nyiŋsaŋa.

⁷ Asdod demma ale nya dii ale a nye la, ba yaa weeni chaab ayen, <>

⁸ Ba yaa tom nuruba ate ba wi Filistia nalima ŋanuwa a bek ba ayen, <> Ba yaa tulisi ayen, <> Ba yaa te di cheŋ Filistia tɛŋka kanyi ate ba wi ayen Gat la.

⁹ Alege ba le te di ga Gat la, Naawen basi ate ninam a paari ba ate ku daani ba nna yegayega. Wa basi ate ba nyiŋsaŋa a moari, bimbaansa ale ŋankpagsa meena.

¹⁰ Nuruma dula jigini a basi ate di cheŋ Ekron, Filistia tɛŋ mɛ ale la. Alege ba le ta a jo Ekron la, nuruma deri a kaari ayen, <>

¹¹ Ba yaa wi Filistia nalimaŋa a weeni ayen, <> Dii nyiŋla ku jam a jo ba nyiŋ ka yegayega ate nuruba poom kpi.

¹² Baai ale kan jam kpi la jam a yuak kama ale ba nyiŋsaŋa ŋanmɔrintaŋa. Nuruma yaa kaari a wi ba wenaŋa.