1 Samuel 30 - WEN GBAŊKA

¹ Deevid ale wa nuruma a jam paari Ziklag ka daa ŋata dai. Amalek demma a jam siti Negev ale Ziklag kama. Ba jam siti Ziklag kama a ju ka,

² ale yik nipooma ale baai meena ale bo ka po la, bisa ale ŋankpagsa meena. Ba an ko waai ya, ba jam ta ba meena a cheŋ kama.

³ Deevid ale wa nuruma ale jam Ziklag la, ba yaa nya ayen tɛŋka ju kama ale ta ba pooma ale ba nidoabilisaŋa ale ba liema a cheŋ.

⁴ Deevid ale wa nuruma a jam kum kama a ga jiak a ŋman ka pagrim a kum.

⁵ Ba jam yik Deevid pooma bayewa Ayinoam ale nyini Jezreel la ale Abigail Nabal pukɔgini ale nyini Karmel la.

⁶ Ku jam daani Deevid ka nna yegayega diila nuruma jaa biisi kama ayen ba le yuk wa ale tana. Waai meena sui jaa dom kama ba nidoabilisaŋa ale ba liema nyiŋ. Alege Deevid jam nya pagrim kama Naawen wa Wenni jigi.

⁷ Deevid yaa weeni Abiata Naawen yenni kaabteerɔwa, waai ale ka Ayimelek biik la ayen, <>

⁸ Deevid yaa bek Naawen ayen, <> Naawen yaa tulisi ayen, <>

⁹ Deevid ale wa nuruma kobsiyuebiwa yaa jam Besor vooliŋka ate ba gela wari dula.

¹⁰ Diila nuruba kobsiye a jam jiak kama an baga a lo benni a jueli. Alege Deevid ale nuruba kobsinaansi a cheŋ.

¹¹ Ba yaa nya Ejipiti denɔ talim po a yaa ta wa jam Deevid jigi. Ba yaa te wa nyiam ate wa nyu ale ŋandiinta ate wa dɛ.

¹² Ŋandiintaŋa jam ka maasa. Wa jam dɛ kama a nya nyiŋ pagra dii nyiŋla wa an jam dɛ ŋandiinta, wa an nyu nyiam daa ŋata.

¹³ Deevid yaa bek wa ayen, <> Wa yaa tulisi ayen, <

¹⁴ Ti yaa siti Negev ate Keret demma a soa la ale kab tii ate Juda a soa la ale Negev ate Kaleb a soa la. Ti yaa ju Ziklag.>>

¹⁵ Deevid yaa bek wa ayen, <> Wa yaa tulisi ayen, <>

¹⁶ Wa yaa ta Deevid a cheŋ dula ate wa nya ba waaŋ jigi meena a dɛ ale a nyu a naŋ dii nyiŋla ba le pai ŋan baai nna yegayega Filistia demma ale Juda demma jigi la.

¹⁷ Deevid yaa kpaliŋ a nyini wenbalinni a jam veenti vari a taam ga siŋ wen, ba waai a yuli bɛ ya. Ka nuruba kobsinaansi ale do laalaakomiba a chali.

¹⁸ Deevid a tuesi jaab meena ate Amalek demma a pai la kama ale wa pooba bayewa meena.

¹⁹ Jaab an jam bɛ ya. Ba jam tuesi bimbaansa ale ŋankpagsa, nidoabilisa ale nipokbilisa ale ŋan baai meena ate ba pai la kama. Deevid jam ta jaab meena kama a ŋmani.

²⁰ Deevid yaa yik niiŋa ale duŋsaŋa meena ate wa nuruma a yiak ŋa ale duŋ yonsa meena ale a weeni ayen, <>

²¹ Deevid yaa jam nuruba kobsiyewa ale jiak an baga va la ale baai ale wari Besor beli vooliŋka la jigi. Ba yaa nyini a tu Deevid ale wa nuruma. Deevid ale wa nuruma ale paari la, wa yaa puusi ba.

²² Alege nuru baataŋa ale baai ale a daani a bo Deevid nuruma po la a yaa weeni ayen, <>

²³ Deevid yaa tulisi ayen, <

²⁴ Ka wana ale wa wom dii ate ni a weeni la? Waai ale wari a nya ti ŋantaŋa ale waai ale cheŋ kpaliŋka la charuku ka bunyi. Ba meena a dɛ a soa ase ka chaab la.>>

²⁵ Deevid a basi ate kude a chim ka wari a doa a te Izirali demma a jam paari jinla.

²⁶ Deevid ale ga paari Ziklag la, wa yaa ta ŋantaŋa gela a ga te Juda nisɔmma, baai ale ka wa doaba la ale weeni ayen, <>

²⁷ Wa ta gela a ga te baai ale bo Betel ale Aramat Negev ale Jattir,

²⁸ ale baai ale bo Aroer, ale Sifmot, ale Estemoya,

²⁹ ale Arekel, ale baai ale bo Jerameel ale Ken tɛŋsaŋa la,

³⁰ ale baai ale bo Yorma ale baai ale bo Bor Asan, ale Atak,

³¹ ale Yebron, ale baai ale bo kab tii meena ate Deevid ale wa nuruma gilim la.