1 Samuel 25 - WEN GBAŊKA

¹ Dai yeŋ ate Samuel yaa kpi ate Izirali demma meena tigsi a kum wa le kpi la. Ba jam gu wa ka wa tɛŋka Arama. Deevid yaa jam cheŋ ga bo Paran gɔnni po.

² Nuru ale jam nyini Maon a ta tɛŋ Karmel. Wa jam jigsi ka nna yegayega. Wa jam ta ka bua tusidi ale piisa tusa ŋata (3,000). Wa jam boro a gebi ka wa piisaŋa kɔbtaŋa Karmel.

³ Nuruwa de yuei jam le Nabal. Wa be jam ka Kaleb ŋaaŋbiik. Wa powa yuei jam le Abigail. Wa ka nipok waai ale jam ta yam ale nala nna yegayega alege Nabal jam ka nyeka tuem nyɔnɔ. Wa kan nye nuruba a magsi.

⁴ Deevid ale jam diem bo gɔnni po la wa yaa wom ayen Nabal a boro a chari wa piisaŋa.

⁵ Wa yaa tom nuruba pi ayen, <

⁶ Ni weeni Nabal ayen,

⁷ <<

⁸ Bek fi tomteerɔma ba le weeni fu. Ti jam ka suipeentik dai ta jiirim ale m nuruma. Fi le ta jabuui meena la pai te ba ale fi biika Deevid.> >>

⁹ Deevid nuruma ale ga paari du la, ba yaa weeni Nabal Deevid ale weeni ba diila alege a limisi.

¹⁰ Wa weeni ba ayen, <

¹¹ Mi ta ŋandiinta ale nyiam kama ale lanta a magsi m tomteerɔma ale a gebi m piisaŋa kɔbtaŋa la. Alege mi kan pai a te nuru baai ate mi zɛ ba.>>

¹² Deevid nuruma yaa ŋman weeni wa dii meena ate Nabal a weeni la.

¹³ Deevid yaa weeni ba ayen, <> Ba yaa pai ba gebisaŋa, ate wa mɛ a pai wa gebika. Nuruba kobsinaansi ale jam va Deevid cheŋ alege kobsiye wari a nya ba ŋantaŋa.

¹⁴ Nabal tomteerɔma wanyi yaa weeni Nabal powa Abigail ayen, <

¹⁵ Nuruma de ka nuru maŋsa a nye ti a magsi ba kan nye ti a kaasi. Ti le ta ti piisaŋa a bo gɔnni po ale ba la ba an zu ŋa.

¹⁶ Yɔk ale kantueŋ meena ba kasim a lik ti kama. Ti le jam bo le ba a nya ti piisaŋa la ba jam a nye nna ase ka parik la a gilim ti.

¹⁷ Yɔgyɔgla de be poli ku wari a nya ti le ti nye diila. Daani kpieŋ ale za ka jam ti kpagni ale wa dɔkdemma zuk. Nabal nyeka tua ka nna yegayega ate nuru an baga a biisi ale wa.>>

¹⁸ Abigail yaa nye nwuli a pai borobotta kobsiye ale daam bunlɔgta tiye, ale piisa ŋanu lam diŋta, ale ŋandiinta ti chaab a yaa pai ba meena a vi bonsa zuk.

¹⁹ A yaa weeni wa ayen, <> Alege wa an jam weeni wa chorɔwa.

²⁰ Abigail yaa do wa boniŋka a ga paari gɔnni po guuku jigini. Dula jigini wa yaa tu Deevid ale wa nuruma a siŋ cheen wa jigi.

²¹ Deevid poom weeni kama ayen, <

²² Wen a namsi mi Deevid nna yegayega. Ase mi nin basi ate Nabal nuruma wanyi mɛ la a bɛ alege ate vari a veenti.>>

²³ Abigail ale ga nya Deevid la, wa yaa kpabi nyini wa boniŋka zuk a siŋ a koori tɛŋ a puusi wa.

²⁴ Wa yaa kpi duna Deevid niŋ a weeni ayen, <

²⁵ M nyɔnɔ, Nabal ka kiriya. Kan basi ate wa le nye diila a daani fu. Wa yuenni ale ka diila, wadek ka dila. Wa yuenni kiri ale beruk. Wa bɛ sum ka beruk. Alege mi fi tomteerɔwa, nina an tu baai ate fi tom la.

²⁶ <

²⁷ M ta ka tiirim a jam ayen m te nuru baai ale va fu la.

²⁸ Mi a saalim, vɔŋ m kaasuŋku a te mu. Naawen ale basi ate fi dɔkdemma a ta nalima yegayega, dii nyiŋla fi ale a kpaliŋ wa kpaliŋsaŋ. Fi le vua la nyiŋ, Kan nye wabiowa.

²⁹ Nuru a dan poom a vi fu ayen wa ko, alege Naawen fi Wenni ale yik fu tara ate fi vua. Wa le yuk fi dachaasaŋa nyuvooŋa a basi ase wa le pai tintain a nyo visiŋ po a nak a basi diila.

³⁰ Naawen ale yik ŋanmaŋ sii meena ate wa puulim ayen wa te fu la a ta. Wa le basi ate fi chim Izirali niŋdeerɔ.

³¹ Ate fi kan ko nuru baai ale kan seba wari nɔi po la a nya kaasuŋ yaase daanika. Mi a saalim, Naawen a dan nye wamaŋsaŋa de meena a te fu, teeri m wari.>>

³² Deevid yaa tulisi Abigail ayen, <

³³ Fi le nya niauŋ fi yammu nyiŋ. Fi kasi mu kama ate mi an ko nuruba yaase m namsi nuruba jinla.

³⁴ Naawen, Izirali Wenni ale vua la nyiŋ, wa kasi mu kama ate mi an nye fu wari ya. Fi dan kan kpabi jam tu mu kama nna, Nabal nuruma wanyi mɛ ti kan vua paari chum saluiwa.>>

³⁵ Deevid yaa tuesi Abigail tiiritaŋa. Wa weeni Abigail ayen, <>

³⁶ Abigail ale ŋman kuli ga a paari yeri la, Nabal kali kama a dɛ ase naab la. Wa jam nyu ka daam buk ate wa sui a peenti. Wa an jam weeni wa wari alege ate vari a veenti.

³⁷ Saluik ate wa daamu a yiinti la, wa powa yaa weeni wa wari meena. Wa le wom la suinum tuem deri yik wa ate wa gbariŋ.

³⁸ Daa pi ŋaaŋnyiŋ Naawen yaa ka te Nabal ate wa kpi.

³⁹ Deevid ale wom ayen Nabal a kpi la, wa yaa weeni ayen, <> Deevid yaa tom a weeni Abigail ayen wa chim wa pok.

⁴⁰ Wa tomteerɔma yaa cheŋ Karmel a ga weeni Abigail ayen, <>

⁴¹ Abigail yaa koori tɛŋ a weeni ayen, <>

⁴² Abigail yaa nye nwuli a do boniŋ a va Deevid ale tom baai la ale wa dɔkliema banu a cheŋ. Wa yaa jam chim Deevid pok.

⁴³ Deevid jam faari ka Ayinoam mɛ. Wa jam nyini ka Jezreel. Ba noa baye wa jam ka Deevid pooba.

⁴⁴ Sɔɔl liewa Michal jam ka Deevid pok mɛ, alege Sɔɔl a jam pai wa te ka Lais biika Paltiel waai ale nyini Gallim.