1 Samuel 24 - WEN GBAŊKA

¹ Sɔɔl ale nye kpaliŋka ale Filistia demma ale pilim ŋman la, waai yaa weeni wa ayen, <>

² Wa yaa lueri nuruba tusa ŋata (3,000) Izirali tɛŋka meena ate ba ga a gisi Deevid ale wa nuruma, Gɔi Bua Pinaŋa niŋ.

³ Sɔɔl yaa jam piisa geruku ale moata manpanni la piuŋ vɔrup ale jam bo dula, ate wa jo ayen wa basi yaata. Deevid ale wa nuruma abe jam boka vɔrup bula dek po niŋniŋŋa.

⁴ Nuruma yaa weeni Deevid ayen, < >> Deevid yaa mak a kuuk a ga gebi Sɔɔl garukku nɔnni.

⁵ Ku ŋaaŋnyiŋ Deevid ŋman ŋma wadek wa le gebi Sɔɔl garukku nɔnni la.

⁶ Wa yaa weeni wa nuruma ayen, <>

⁷ Deevid jam biisi ka nna a kasi wa nuruma ate ba an nye Sɔɔl wari ya. Ate Sɔɔl yaa nyini vɔrumu po a nyini a cheŋ.

⁸ Deevid yaa saŋ va nyini a kaari wi ayen, <> Sɔɔl yaa cheen ŋaaŋ nya ate Deevid a koori tɛŋ a zuli wa.

⁹ Wa yaa weeni Sɔɔl ayen, <

¹⁰ Ku daa wensie mi nya suik kama magsi m ko fu vɔrumu po. Mi nuruma gela weeni ayen ka m ko fu, alege mi zɛri ale basi fu, dii nyiŋla Naawen ale lueri fu.

¹¹ M dek koa, nya mi gebi ka fi garukku nɔnni, alege an ko fu. Yɔgyɔgla de be miŋ a seba ayen mi ka popola baata ale fu. Mi an zɛri fi nɔi ya. Mi an nye fu wari a kaasi ya, alege fi a vi mu ayen fi ko.

¹² Naawen namsi fu fi le nye mu diila, mi tɔgni ka wari ale fu.

¹³ Daam ale weeni ayen, Alege kan te ku daani fu mi kan nye fu wari ya.

¹⁴ <

¹⁵ Naawen be bo mi ale fi buusa a nya ti waai ale kaasi la. Naawen maa maari mu abe wa sak ayen m nye magsi. Wa bɛ vari mu fi jigi a basi.>>

¹⁶ Deevid ale biisi nueri la, Sɔɔl yaa bek ayen, <> Ate wa yaa kum ate ku jueli.

¹⁷ A weeni ayen, <

¹⁸ Fi weeni mu wamaŋ sii meena ate fi nye la. Naawen a pai mu te fu kama, alege fi an ko mu.

¹⁹ Nuru a dan nya wa dachiak wa basi ate wa a cheŋ yaa wa kan basi? Naawen ale tuni fu a magsi wamaŋ kaai ate fi nye mu la.

²⁰ Mi seba ayen fi le sum chim naab a nya Izirali tɛŋka zuk.

²¹ Yɔgyɔgla de puulim ale Naawen ayen fi kan ko m ŋaaŋsaŋa abe fi kan yeeri m yuenni m kowa dɔkdemma po.>>

²² Deevid yaa puulim a te Sɔɔl. Ate Sɔɔl yaa ŋman kuli, alege ate Deevid ale wa nuruma a ŋman ga suk guuku zuk.