1 Samuel 2 - WEN GBAŊKA

¹ Yanna yaa puusi a weeni ayen, <

² Naawen, waai karo a welema ase fi la. Fi nyiini ale Wen. Fi a nye ase ka piuŋ la, a lik ti.

³ Naawen, basi ate baai ale a kuulim a biisi ale kanjanta la a nye diki. Diila fi Naawen ka Wen dii ale seba wari meena ale a bo nuru meena ale a nye diila buusa.

⁴ A basi ate tugurik tɔŋdɔba tima a wɛ, alege baai ale wobsa la, fi ale a te ba pagrim.

⁵ Baai ale jam ta ŋandiinta yegayega a dɛ la a nyini kama a tom a yaali ŋandiinta. Alege baai ate kɔm jam ta ba la, a yaa dɛ kama a chak. Waai ale jam kaa biak la, yaa biak ka bisa bayopɔi, Alege waai ale jam ta nidoabilisa piisi la ba meena a kpi.

⁶ Naawen ale ta kum a jam, wa abe le a te nyuvuri. Wa le te nuruba a cheŋ kpiluŋ, wa le te ba a yiti.

⁷ Naawen ale basi ate jaŋsa a jam ale basi ate jigsika a jam. Wa le basi ate nuru a chim nuru fiik wa abe le basi ate nuru a chim nuru kpioŋ.

⁸ Naawen ale zak jajak wa niniga po ate wa a yiti. Naawen ale a te ba kpaŋta ale yuei. Wa le a nye tɛŋka nyubaŋa. Wa be nye tɛŋka ka nyubi ŋala zuk.

⁹ Naawen ale a lik wa nuruma baai ale a va wa ale wensie la juijui meena ate ba a cheŋ la, alege ku daa di wabaata nyama jigi ya. Ba le kpi a cheŋ kpiluŋ. Ku daa pagrim ate nuru dek a baga a nye wari ya.

¹⁰ Baai ale ta chaab ale Naawen la wa le kaasi ba. Wa ale na wenŋmazuk a ta chaab ale ba. Naawen ale bo baai meena ale bo tɛŋzuk la buusa. Wa le lueri naab waai la, wa le te wa pagrim ate wa a nya tɛŋka zuk abe wa te wa yuei.

¹¹ Elkana ale wa powa Yanna yaa kuli ba yenni ale bo Arama la. Alege ba biika Samuel yaa wari Siilo ate Eli a sak wa ate wa tom a te Naawen.

¹² Eli nidoabilisaŋa a jam ka bi baata. Ba jam kan zuli Naawen.

¹³ Kaabteerɔma ale jam a nye nuruma diila ale nna. Ase nuru a dan jam nye kaabka, ba le pai ka samɔniŋ a dik lammu. Kaabteerɔwa yɔmawa nyiem yaa pai duisuk nyina ŋata,

¹⁴ a su samɔniŋka po. Duisuku ale lu yeeri lam buui a ta jueli la kaabteerɔwa ale soa. Alege ba le jam a nye Izirali demma meena ale a jam Siilo a nye kaabka la ale nna.

¹⁵ Alege ate ba ju kpaamu la, kaabteerɔwa yɔmawa a nyiem jam waai ale a nye kaabka la jigi kama a weeni ayen, <>

¹⁶ Waai ale a nye kaabka la a dan weeni ayen, <> kaabteerɔwa yɔmawa a tulisi kama ayen, <>

¹⁷ Naawen yaa nya ayen Eli bisaŋa biemu a zuak ka yega dii nyiŋla ba kan sak zula ale kaabka ate ba nye a te Naawen la.

¹⁸ Alege Samuel jam kasim tom a te Naawen kama. Wa jam ka biik a jo garuk geli ate ba pai garuk naluŋ a nye.

¹⁹ Ben meena wa mawa nyiem baali ka garuk woŋ a te wa. Wa le wa chorɔwa nyiem dan cheŋ ayen ba nye benni kaabka wa yaa deri pai te wa.

²⁰ Eli nyiem yaa weeni niauŋ a te Elkana ale wa powa ayen, <> Ku ŋaaŋnyiŋ ate ba yaa kuli.

²¹ Ate Naawen sak jiirim ale Yanna ate wa biak nidoabilisa bata ale nipokbilisa baye. Samuel jam kasim tom a te Naawen kama alege a chim.

²² Eli jam kpaŋ kama ale kasim a wom biem buui meena ate wa bisaŋa a nye Izirali demma la. A wom ba le a goa ale nipooma baai ale a nya ŋantaŋa ale bo juijui ate Naawen a tu wa nuruma la nansuiŋku nɔi.

²³ Eli yaa weeni wa nidoabilisaŋa ayen, <

²⁴ Ni kaa nye wieŋa de chaaba. Ba a biisi ate ku a cheŋ kama biem buui meena ate ni a nye la.

²⁵ Ni seba ayen nuru a dan nye kaasi wa choa, Wen a baga yik ba a niak chaab kama, alege nuru a dan potim nye kaasi Naawen dii karo a maari wa?>> Alege wa nidoabilisaŋa zɛri ba an wom wa kaamka. Dii ate ba zɛri la, Naawen poom poli kama ayen wa basi ate ba kpi ba wabaataŋa nyiŋ.

²⁶ Alege Samuel jam kasim a chim kama. Naawen sui a peenti ale wa kama. Izirali demma mɛ sui a peenti ale wa.

²⁷ Dila po Wen nuru yaa jam Eli jigi a weeni wa ayen, <

²⁸ Mi lueri wa kama ale ayen wa chim Naawen Yenni kaabteerɔba kpagi a tom a te mu. Ku jam ka wa tuini ayen wa nye kaabka kuŋkuŋku zuk abe wa ju ŋan baai nyum ale masa a te mu zula. Wa mɛ jam nya suik kama a jo Naawen Yenni kaabteerɔba kpagi garuk geli, ayen wa a gisi m yaalika. Daa dila nyiini, m jam te wa suik kuŋkuŋku zuk kama la.

²⁹ Alege fi ale fi nidoabilisaŋa a kan zuli tiiritaŋa ate mi weeni m nuruma Izirali demma ate ba ta jam a nye kaabka la. Ka boa ale soa ate fi zuli fi nidoabilisaŋa a gaam mi basi ate ba luk a yeeri ŋan baai ale zunchoŋ la a te ba dega?

³⁰ <<

³¹ Ku cheena ate nidoabili paalukku fi buuni po m le ko ba. Ba wanyi mɛ la a kan pagi.

³² Izirali demma ate mi a bo ale ba la ale nya niaka alege nama a kan nya jaaboa alege ka daanika yegayega.

³³ M le tali ni po wanyi ate wa a tom ase Naawen yenni kaabteerɔba kpagi la, alege fi le kum ate ninyaata a sueri fi ninaŋa ate ku a daani fu. Ku le ka diila, fi ŋaaŋsaŋa a kan pagi, ba le kpi ale ba diem paala kama.

³⁴ <<

³⁵ M le lueri ka waai ale ta wensie m a nya wa ale wa ŋaaŋsaŋa ate ba tom a te naab waai ate m lueri la.

³⁶ Kude dan nye fi ŋaaŋsa baai ale kan kpi la ale cheŋ kpagi dila jigi a ga a juisi ŋandiinta ale ligra. Ba le saalim a yaali ayen ba nya suik a tom a dɛ vuuk.> >>