1 Samuel 1 - WEN GBAŊKA

¹ Nuru ale jam boro wa yuei ale Elkana. Wa jam nyini ka Arama tɛŋka ate ka bo Zuf, Ɛfraim tɛŋka po, kauk kuui ate guuta a boro la. Wa kowa yuei jam le Jeroyam. Wa kokpieŋka yuei jam le Eliyu. Wa kokpieŋka kowa yuei jam le Toyu. Toyu a jam ka Zuf biik. Elkana ale wa nuruma jam nyini ka Ɛfraim dɔkku po.

² Elkana jam ta ka nipooba baye. Wanyi yuei jam le Yanna, nwala yuei jam le Peninna. Peninna jam ta bisa kama alege Yanna jam ka kirik.

³ Bein meena Elkana ale wa dɔkdemma a nyiem basi ba tɛŋka Arama kama alege cheŋ Siilo ayen ba puusi Naawen Dii Ale A Dɛ Tugurik Tɔŋdɔma Niŋ La abe ba nye kaabka te wa. Nuru ale jam bo Siilo ate ba a wi wa ayen Eli. Wa jam ka Naawen kaabteerɔ. Eli jam ta ka nidoabilisa baye, Yofni ale Fineyas. Ba mɛ jam ka kaabteerɔba.

⁴ Elkana a dan jam nye kaabka wa nyiem chari wa dɔkdemma lammu kama. Wa le gebi lammu dii a te wa powa Peninna la, wa a gebi ka dila mɛ a te wa bisaŋa ale wa liema.

⁵ Alege Yanna wa nyiem te ka ku nɔi buye dii nyiŋla wa a yaali wa ka nna yegayega, ale Naawen ale diem lik wa bisa biamu la meena.

⁶ Peninna waai ale ka Yanna ŋaanchoa la a nye wa a la a basi ate wa sui a puuri dii nyiŋla Naawen a basi kama ate Yanna a ka bisa.

⁷ Peninna a kasim a nye Yanna ka dila bein meena. Diipo meena ba dan cheŋ Naawen yenni ale bo Siilo la, Peninna a nye Yanna a la kama ate wa kum a zɛri ŋandiinta.

⁸ Kude nyiem dan nye, Elkana yaa weeni wa ayen, <>

⁹ Dai yeŋ Elkana ale wa dɔkdemma ale dɛ nueri Siilo po la, Yanna yaa yiti zaani. Eli waai ale ka kaabteerɔ la a jam kali ka zukpaglik zuk Naawen yenni tuoku nɔi peelim.

¹⁰ Yanna sui ale jam kaasi nna yegayega ate wa puusi a te Naawen ale kasim a kum.

¹¹ Wa puusaŋa po wa yaa puulim a weeni ayen, <>

¹² Yanna ale a puusi a te Naawen la, Eli yaa kpesi a nya wa nɔnni.

¹³ Wa le a puusi la, Eli a poli ayen wa nyu ka daam, diila wa nɔngbanvaataŋa ale a choa alege wa an jam puusi ate ku a jueli. Wa jam a puusi ka wa suinummu po.

¹⁴ Eli yaa weeni Yanna ayen, <>

¹⁵ Yanna yaa weeni ayen, <

¹⁶ Mi a weeni wa ka m niniŋŋa ale ka diila. Kan poli ayen m daa nipok maŋŋa.>>

¹⁷ Eli yaa weeni ayen, <>

¹⁸ Yanna yaa weeni ayen, <> Wa le biisi nueri la wa yaa basi Eli ale ga yaali ŋandiinta dɛ. Wa sui a ŋman jam kaasi ya.

¹⁹ Vari ale veenti la saluik yokyokwa Elkana ale wa dɔkdemma a yaa yiti a puusi Naawen wa yenni po Siilo ale ŋman kuli ba yenni ale bo Arama la. Elkana yaa goa ale Yanna wa powa, ate Naawen a teeri wa wari.

²⁰ Ku ŋaaŋnyiŋ Yanna yaa yik lɔgi a biak nidoabili a te wa yuei ayen Samuel. Wa mawa weeni wadek ayen dii nyiŋla m bek ka Naawen ate wa te mu.

²¹ Ku ŋman jam paari ka diipo ale magsi Elkana ale wa dɔkdemma a cheŋ Siilo a ga nye ben nuerika kaabka ate Naawen. Elkana mɛ poom jam a yaali kama ayen wa ga tuni wa pumpuulimaŋa a te Naawen.

²² Yanna an jam va cheŋ ya. Wa jam weeni wa chorɔwa kama ayen, <>

²³ Wa chorɔwa Elkana yaa tulisi wa ayen, <> Yanna yaa wari a nya wa biika zuk.

²⁴ Biika ale gaari biisiri la, ba yaa ta wa cheŋ Naawen yenni ale bo Siilo la. Ba jam ta ka bena ŋata lalik, ale boorik geli ale zom, ale bunlɔk ale daam a cheŋ ayen ba te Naawen.

²⁵ Wa nyama ale ko lalikka a te Naawen la, ba yaa pai Samuel a te Eli Naawen yenni po ale bo Siilo la.

²⁶ Yanna yaa bek Eli ayen, <

²⁷ M jam puusi a yaali ka biika de ate Naawen a te mu mi ale bek diila.

²⁸ Dila nyiŋ yɔgyɔgla de m pai wa a te ka Naawen. Wa le kasim tom a te ka Naawen wa boka po meena.>> Wa le biisi nueri la, ba yaa puusi Naawen dula jigini.