1 Ŋiak Wie 9 - WEN GBAŊKA

¹ Izirali demma meena yueŋa a jam ŋmarisi kama ase ba ŋiak wieŋa ale ka diila a bo nalima gbaŋka po. Juda demma ba jam nak yik ba kama a ta cheŋ Babilon tɛŋka dii nyiŋla ba ale kan ta wensie la nyiŋ.

² Baai ale dɛ niŋ a ŋman pilim kali badek nitalim po ale badek tɛŋsaŋa po la jam ka Izirali demma gela ale kaabteerɔba ale Livaiba ale Naawen yenni tomteerɔba.

³ Baai ale nyini Juda ale Benjamin ale Ɛfraim ale Manasa a bo Jerusalem la jam le nna:

⁴ Utai jam ka Ammiyud nidoabili. Ammiyud jam ka Omri nidoabili. Omri jam ka Imri nidoabili. Imri jam ka Bani nidoabili. Bani jam ka Perezi ŋaaŋbiik. Perezi jam ka Juda nidoabili.

⁵ A nyini Silon demma po. Asaiya ale kpagni ale wa nidoabilisa.

⁶ A nyini Zera demma po jam ka Jeuel. Nuruma ale nyini Juda la jam ka kobsiyuebi ale pineok.

⁷ A nyini Benjamin dɔkku buuni jam ka Mesullam nidoabinni Sallu. Mesullam jam ka Yodavia nidoabili. Yodavia jam ka Yassenuya nidoabili.

⁸ Ibneiya jam ka Jeroyam nidoabili. Elaya jam ka Uzzi nidoabili. Uzzi jam ka Mikri nidoabili. Mesullam jam ka Sefatia nidoabili. Sefatia jam ka Areuel nidoabili. Areuel jam ka Ibnija nidoabili.

⁹ Nuruma ale nyini Benjamin dɔkku buuni po a ŋmarisi bo ba ŋiak wieŋa po la jam ka nuruba kobsaneok ale pisinu ale bayuebi a bo Jerusalem tɛŋka po. Nuruma de meena jam ka yie nyam.

¹⁰ A nyini kaabteerɔma po jam ka Jedaya ale Jeyoiarib ale Jakin.

¹¹ Azariya jam ka Yilkia nidoabili. Yilkia jam ka Mesullam nidoabili. Mesullam jam ka Zadok nidoabili. Zadok jam ka Meraiot nidoabili. Meraiot jam ka Ayitub nidoabili. Ayitub jam le kpagi a nya Wen yenni zuk.

¹² Ba gela mɛ ale Adaiya wa jam ka Jeroyam nidoabili. Jeroyam jam ka Pasur nidoabili. Pasur jam ka Malkija nidoabili ale Maasai jam ka Adiel nidoabili. Adiel jam ka Jazera nidoabili. Jazera jam ka Mesullam nidoabili. Mesullam jam ka Mesillemit nidoabili. Mesillemit jam ka Immer nidoabili.

¹³ Kaabteerɔma baai ale jam ka yie nyam la ka tusidi ale kobsiyopɔi ale pisiyuebi (1,760). Ba jam ka nuru baai ale baga a tom Wen yenni tuimaŋa la.

¹⁴ A nyini Livaima po ka Yassub nidoabinni Sɛmaiya. Yassub jam ka Azrikam nidoabili. Azrikam jam ka Yasabia nidoabili. Yasabia a nyini ka Merari dɔkdemma po.

¹⁵ Ba gela a jam le Bakbakkar ale Yeres ale Galal ale Mika nidoabinni Mattania. Mika jam ka Zikri nidoabili. Zikri jam ka Asaf nidoabili.

¹⁶ Ba gela mɛ a jam le Sɛmaiya nidoabinni Obadia. Sɛmaiya jam ka Galal nidoabili. Galal jam ka Jedutun nidoabili ale Asa nidoabinni Berekiya. Asa jam ka Elkana nidoabili, waai ale jam bo Netofat demma tɛŋ kpaŋsaŋa po la.

¹⁷ Nansuiŋ limisidɔma jam le Sallum ale Akkub ale Talmon ale Ayiman ale ba suataŋa. Sallum jam le ba niŋdeerɔ a

¹⁸ bo naawa nansuiŋku nɔi kori geŋsa a ta jam paari vaaŋa de po. Bade ma a jam le nansuiŋ limisidɔma a nyini Livaima po la.

¹⁹ Sallum jam ka Kore nidoabili. Kore jam ka Ebiasaf nidoabili. Ebiasaf jam ka Koora nidoabili. Sallum ale wa kobisaŋa ale nyini Koora dɔkdemma po la jam ka nansuiŋ limisidɔba ale maara limisi Wen yenni ase ba koma ale jam a nya nansuiŋku ale a jo Naawen boka jigini la.

²⁰ Piilimka po Eleaza nidoabinni Fineyas ale jam a nya nansuiŋ limisidɔma zuk ate Naawen a bo ale wa.

²¹ Meselemia nidoabinni Zakaria a jam le Tuka Viuku nansuiŋ nyaarɔwa.

²² A gum chaab baai meena ate ba jam lueri ayen ba chim limisidɔba la jam ka nuruba kobsiye ale pi ale baye. Ba jam ŋmarisi ba ase ka ba ŋiaka wie ale jam ka dii ba tɛŋ kpaŋsaŋa po la. Nansuiŋ nyaarɔma ka Deevid ale Samuel biisiteerɔwa ale jam lueri ba a zaani dula ale sebchakka.

²³ Ba ale ba ŋaaŋbisaŋa ale jam a nya Naawen yenni nansuiŋtaŋa zuk, yie dii ate ba a wi ayen viuk la.

²⁴ Nansuiŋ ligrisaŋa a jam bo ka kabta bunaansiwa. Kori ale yeniŋ ale wiiluk ale Yeseoku.

²⁵ Ba suataŋa a nyiem basi ka ba tɛŋ kpaŋsaŋa ale jam tagri ba daa ŋayopɔi.

²⁶ Alege nansuiŋ ligrɔ kpaga ŋanaansiwa, baai ale jam ka Livaiba la ate ba ta sebchakka ale ba la, ba pai diinaŋa ale ligraŋa Wen yenni po a nyo ka ba nisima po.

²⁷ Ba ale boro ka yokku meena a gilim Wen yenni, dii nyiŋla ba magsi ba a limisi di kama, ba abe ta saafiik kama a lak di saluik meena.

²⁸ Ba gela ale jam a nya ŋan baai ate ba taa tom Wen yenni po la, ba nyiem a chiini kama diipo ate ba ta ba a jo la ale diipo ate ba ta ba a nyini la.

²⁹ Ba gela mɛ ate ba basi ate ba a nya ŋantomta ale ŋan yona zuk Wen yenni po ale zommu ale daamu ale kpaamu ale ŋan baai nyum ale masa la.

³⁰ Alege kaabteerɔma gela ale jam a dam ŋan baai nyum ale masa la.

³¹ Livai ale jam boro wa yuei jam le Mattitia, Koora denɔwa Sallum nidoabi kpagi, ate ba ta sebchakka ale wa a pai tiirim kaabka boroboroku seka a te wa ase wa tuini la.

³² Ba suataŋa Koyat kabini gela ale jam a gomsi Vuusum dai boroboroku jazaanimu zuk dai meena.

³³ Baai ale jam ka yilendisa la, yie nyam Livai dɔkdemma po la, a jam bo ka Wen yenni diinaŋa po ale kan tom tuin yoŋŋoa, dii nyiŋla ba ale jam a nya tuini zuk danni po ale yok meena.

³⁴ Bade meena jam ka yie nyam Livai dɔkdemma po. Kpaga ase ba le ŋmarisi dii ba ŋiak wieŋa po la, ba jam bo ka Jerusalem po.

³⁵ Gibeon kowa Jeiel a jam bo ka Gibeon tɛŋka po. Wa powa yuei jam le Maaka,

³⁶ wa nidoabili kpagni jam le Abdon a pasaŋ Zur a pai te Kis ate wa mɛ a pai te Baal ate Ner pasaŋ ate Nadab pasaŋ ate

³⁷ Gedor pasaŋ ate Ayio pasaŋ ate Zakaria pasaŋ ate Miklot a kpeglim nisa.

³⁸ Miklot jam ka Simeam ko. Ba mɛ a jam kali moata ka ba kobisaŋa Jerusalem tɛŋka po.

³⁹ Ner jam ka Kis ko. Kis jam ka Sɔɔl ko. Sɔɔl jam ka Jonatan ale Malki Sua ale Abinadab ale Es Baal ko.

⁴⁰ Jonatan jam ka Merib Baal ko. Merib Baal a jam ka Maika ko.

⁴¹ Maika nidoabilisaŋa a jam le Piton ale Melek ale Tarea.

⁴² Ayazi jam ka Jara ko. Jara jam ka Alemet ale Azmavet ale Zimri ko. Zimri jam ka Moza ko.

⁴³ Moza jam ka Binea ko. Arefaiya jam ka Binea nidoabili. Eleasaya jam ka Arefaiya nidoabili. Azel jam ka Eleasaya nidoabili.

⁴⁴ Azel jam ta ka nidoabilisa bayuebi. Bala ale Azrikam ale Bokeru ale Ismael ale Searia ale Obadia ale Yanan. Ba jam ka Azel nidoabilisa.