1 Ŋiak Wie 13 - WEN GBAŊKA

¹ Deevid yaa jam biisi ale wa tugurik tommu kpaŋŋa, kpaga ŋaai ale a nya tusa zuk la ale kpaga ŋaai ale a nya kobsa zuk la.

² Wa yaa jam weeni Izirali tigsuŋku meena ayen, <

³ Ni basi ate ti ta Wen nɔiyeŋka dakanni a ŋman jam ti jigi, ale tama an bek di wari diipo ate Sɔɔl a dɛ naam la.>>

⁴ Tigsuŋku meena yaa siak ayen ba nye kude, dii nyiŋla ku jam magsi kama a te nuruma meena.

⁵ Dila nyiŋ Deevid yaa tigsi Izirali demma meena, a nyini Siyor Benaŋka ale bo Ejipiti po la ga paari Yamat tɛŋka ayen ba ta Wen nɔiyeŋka dakanni a nyini Kiriat Jearim a jam.

⁶ Deevid ale Izirali demma meena yaa cheŋ Baalaya ale bo Juda la Kiriat Jearim ale la ayen ba ta Wen dii ale ka Naawen la nɔiyeŋka dakanni a nyini dula a jam, dii ale jam bo ŋanvutaŋa suŋsuŋ la dakanni ate ba pai wa Yuenni a wi di la.

⁷ Ba jam ta Wen nɔiyeŋka dakanni a nyini Abinadab yenni ale ka toroko paalik, ate Uzzaya ale Ayio a nya di zuk.

⁸ Deevid ale Izirali demma meena a jam boro a naŋ kama ale ba pagrim meena Wen niŋ ale yiila ale kpanta ale bagansa ale sinyaara ale dalinkinkeŋsa ale damunsa.

⁹ Ase ba ale jam paari Kidon ŋanta fɔbika jigini la, Uzzaya yaa laari wa nisaŋa ayen wa yik dakanni, dii nyiŋla lalisaŋa nyiŋsa ale jam a gɔk.

¹⁰ Naawen sui yaa jam puuri ale Uzzaya, ate wa ko wa dii nyiŋla wa jam tiri dakanni kama ale nisa. Wa jam kpi ka dula Wen niŋ.

¹¹ Deevid sui yaa jam puuri dii nyiŋla Naawen suipuurumu ale jan jam Uzzaya zuk la, a ta jam paari jinla danni dula yuei ale Perezi Uzzaya.

¹² Deevid yaa jam yɔgsa ale Wen dai dila danni a bek ayen, <>

¹³ Wa an jam te Wen nɔiyeŋka dakanni a va wa a cheŋ Deevid Tɛŋka po. Wa goanti ta di a cheŋ ka Gitti denɔwa Obed Edom yenni.

¹⁴ Wen nɔiyeŋka dakanni a jam wari bo ka Obed Edom dɔkdemma jigi wa yenni po a paari chiisa sita ate Naawen a niak wa yenni meena ale jabuui meena ate wa ta la.