1 Nalima 9 - WEN GBAŊKA

¹ Ase Solomon ale jam sɛ Naawen Yenni ale wa naam yenni a nueri, ale nye dii meena ate wa jam a yaali wa nye la,

² Naawen a yaa jan jam wa jigi a nye buye ase wa le poom jan jam wa jigi Gibeon tɛŋka po la.

³ Naawen yaa weeni wa ayen, <

⁴ <

⁵ Mi ale basi ate fi naamu zukpaglika ale kasim bo Izirali po taam wuu, ase mi le jam puulim Deevid fi kowa ase mi ale jam weeni ayen,

⁶ <

⁷ mi ale gebi Izirali wari a basi tɛŋ kaai ate mi a te ba la po, abe mi zɛri Yenni de ate mi nye ate di welema mi Yuenni nyiŋla. Izirali yaa ale chim ka laata a te tɛŋsa meena ate ba kasim a biisi biem wie a te ba.

⁸ Ase Yenni a dan kaasi, waai meena ale va dula a taam la ku ale cha wa. Ba le koosi a la ni ale a bek ayen,

⁹ Nuruba yaa le tulisi ayen, >>

¹⁰ Bena pisiye ale taam la, diipo ate Solomon a sɛ yie buyewa de la, Naawen Yenni ale naab yenni la,

¹¹ Naab Solomon a jam pa ka tɛŋ kpieŋsa pisiye Galili po a te Yiram Taaya naawa, dii nyiŋla Yiram a jam te wa ka daata ale ligmɔniŋ ate wa jam a yaali la.

¹² Alege Yiram ale jam nyini Taaya a cheŋ ayen wa nya tɛŋ kpieŋsaŋa ate Solomon a te wa la, wa sui an jam peenti ale si.

¹³ Wa yaa bek ayen, <> Ate wa a wi si ayen Kabul Tɛŋ, si yue ale la ale jinla.

¹⁴ Yiram a jam tom ka ligmɔniŋ kook ale pisiye a te naawa.

¹⁵ Fifiok tuimaŋa ate Naab Solomon a basi ate wa yɔmma a tom la, ba sɛ Naawen Yenni ale wadek yenni ale tɛŋka suerika ale Jerusalem parika sɛka ale Yazor ale Megiddo ale Gezer.

¹⁶ Faaro Ejipiti naawa a jam nye ka kpaliŋ a nak yik Gezer tɛŋka. Wa jam juka ale ka bolim. Wa jam ko Keenan demma kama ale pa ka a te wa liewa Solomon powa ase yalika tiirim la.

¹⁷ Solomon a ŋman pilim sɛ Gezer. Wa le sɛ Bet Yoron ale

¹⁸ Baalat ale Tadmor sagni po wa tɛŋka po,

¹⁹ ale tɛŋ kpieŋsa a magsi ŋanta duenika ale torokoma ale wa wusumaŋa. Wa sɛ jabuui meena ate wa a yaali wa sɛ Jerusalem po la ale Lebanon ale jigi meena ate wa a nya la.

²⁰ Nuru baai meena ale tali Amori demma po ale Yit demma ale Perizzi demma ale Yivi demma ale Jebus demma la a jam daa Izirali demma.

²¹ Ba jam ka nuru baai ate Izirali demma an jam ko la ŋaaŋbisa. Bade ate Solomon a jam basi ate ba a tom fifiok tuima ase yɔm la ase ku le ka dii jinla la.

²² Alege Solomon an basi Izirali demma waai a chim yɔma. Ba jam ka wa tugurik tɔŋdɔba, ale wa naamu nisɔm, ale wa kpaga ale tugurik tɔŋdɔba kpaga ale torokoba ale ba duerɔba kpaga.

²³ Ba ale jam chim wa kpaga a nya tuimaŋa zuk. Ba jam ka nuruba kobsinu ale pisinu a nya nuruma ate ba tom tuimaŋa.

²⁴ Faaro liewa ale jam nyini Deevid Tɛŋka a cheŋ naab yenni ate Solomon a se te wa la ŋaaŋnyiŋ, wa jam sueri ka tɛŋka ale tana.

²⁵ Buta meena benni po Solomon a nyiem jam nye ka juka tiirita ale suiyɔgni tiirita kaabka kuŋkuŋku ate wa sɛ te Naawen la zuk, a ju ŋan baai nyum ale masa la Naawen niŋ, a nye dii ale magsi wa nye Naawen Yenni po la.

²⁶ Naab Solomon a jam maa nye ka ŋaaruŋta Ezion Geber tɛŋka po, kaai ale moata Elat Edom la, Nyakpiem Mɔnuŋku kunkɔŋni.

²⁷ Naab Yiram a jam tom ka wa nuru baai ale seba nyakpiemu la ayen ba ga tom ale Solomon nuruma.

²⁸ Ba jam lo jueli ka Ofir a ta ligmɔniŋ boorik dobrim kobsinaansi ale pisiye jam, a pa ŋa a te naab Solomon.