1 Nalima 11 - WEN GBAŊKA

¹ Naab Solomon a jam a yaalika nipooba nna yegayega baai ale kan nyini Izirali tɛŋka po. A gum Faaro liewa po, wa jam faari nipooba a nyini Moab ale Ammon ale Edom ale Saidon ale Yit tɛŋsaŋa.

² Ba nyini ka tɛŋ sii ate Naawen a weeni Izirali demma ayen, <> Alege dila Solomon a diem jam a yaali ba kama.

³ Wa jam taka pooba kobsiyopɔi ale nɔi pooba kobsita, ate wa pooma a ta wa a cheŋ bɛ.

⁴ Ase Solomon ale ga kpaŋ la, wa pooma a yaa tulim wa suinummu a te wen yona, ate wa suinum meena a jam ka Naawen wa Wenni jigi ya. Wa an jam va Naawen ale wa suinum meena ase wa kowa Deevid la.

⁵ Wa jam va ka Saidon demma nipok wenni Astoret ale Ammon demma wenni Milkom ate Wen a kisa la.

⁶ Dila Solomon yaa jam nye biem Naawen nimbie po, wa an jam va Naawen ale wa suinum meena ase wa kowa Deevid la.

⁷ Pimpitini zuk Jerusalem kori geŋsa, Solomon a jam sɛ ka kuŋkuŋ a magsi Moab demma wenni Chemos dii ate Wen a kisa la, ale Ammon demma wenni Molek dii ate Wen a kisa la kaabka.

⁸ Wa jam nye ka dila dek a te wa pok nichamma meena baai ale jam a ju ŋan baai nyum ale masa la ale a kaab a te ba wenaŋa.

⁹ Naawen sui yaa jam puuri ale Solomon dii nyiŋla wa suinum a jam ka ale Naawen, Izirali Wenni, waai ale jan jam wa jigi buyewa la.

¹⁰ Wa jam weeni Solomon kama ayen wa kan va wen yona, Solomon an jam ta Naawen wanni.

¹¹ Dila Naawen yaa weeni Solomon ayen, <

¹² Alege fi kowa Deevid nyiŋ, mi a kan nye dila diipo ate fi diem vua la. Mi ale tuesi bu ka fi nidoabinni nisa po.

¹³ Mi a kan tuesi naamu meena wa jigi ya, alege mi ale te wa ka buuni dinyi Deevid mi tomteerɔwa nyiŋ ale Jerusalem kaai ate mi a lueri la nyiŋ.>>

¹⁴ Naawen yaa basi ate Edom denɔwa Yadad ate wa nyini Edom naab yenni la, a chim Solomon dachiak.

¹⁵ Piilimka ase Deevid ale jam boro a nye kpaliŋ ale Edom tɛŋka la, Joab tugurik tommu kpagni, waai ale jam cheŋ wa gu kpiema la, a jam ko nidoama meena kama Edom po.

¹⁶ Joab ale Izirali demma meena a jam bo dula ka chiisa siyuebi, ate ku paari diipo ate ba ko nidoama meena Edom po la.

¹⁷ Alege Yadad ale diem jam ka nidoabili fiik la, a chali cheŋ ka Ejipiti ale Edom demma kpaga gela baai ale jam tom a te wa kowa la jigi.

¹⁸ Ba jam nyini ka Midian tɛŋka a cheŋ Paran tɛŋka. Ba jam ta ka nidoaba Paran po a gum ba po a cheŋ Ejipiti naawa Faaro jigi, waai ale jam te Yadad yeri ale tɛŋ ale yaali ŋandiinta a te wa la.

¹⁹ Faaro a jam mariŋ Yadad kama a pa wadek powa suok Tapenes a yalisi wa.

²⁰ Tapenes suoku a jam biak ka nidoabili a te wa, wa yuei a jam le Genubat, waai ate Tapenes a jam wuuk wa naab yenni po la. Dula Genubat a jam boro ale ka Faaro dek bisaŋa.

²¹ Ase wa le diem jam bo Ejipiti po la, Yadad yaa wom ayen Deevid a kpi cheŋ wa koma jigi ate Joab tugurik tommu kpagni mɛ a kpi. Yadad yaa weeni Faaro ayen, <>

²² Faaro yaa bek wa ayen, <> Ate Yadad a tulisi ayen, daa jaaboa, <>

²³ Wen yaa jam basi ate nuru wa choa a chim Solomon dachiak, wa yuei jam le Arezon Eliada biik. Arezon a jam chali ale basi ka wa kpagi Zoba naawa Yadadezer.

²⁴ Wa jam tigsi ka nidoaba tukpari nyam a gilim wadek a chim ba niŋdeerɔ diipo ate Deevid a jam ko Zoba tugurik nyama la. Tukpari nyama de a jam cheŋ ka Damasikus, dula ate ba jam ga kali a nya ka zuk.

²⁵ Arezon a jam chim ka Izirali dachiak diipo meena ate Solomon a boro la, a gum chaab ale wɔkwɔkka ate Yadad a jam siti la. Dila Arezon a jam a nya ka Araam zuk ale ta chaab ale Izirali.

²⁶ Nebat nidoabinni Jeroboam an jam siak a te naawa. Wa jam ka Solomon kpaŋŋa dinyi a nyini Ɛfraim dɔkku Zereda, wa mawa jam ka pukɔgi, wa yuei ale Zerua.

²⁷ Dii ate Jeroboam jam tulim a ta chaab ale naawa la ale nna. Solomon a jam a sueri tɛŋka golaŋa ale tana ale a lik wa kowa Deevid tɛŋka parika muulisaŋa.

²⁸ Jeroboam jam ka nuru maŋ, ase Solomon ale jam nya nuru paalika de ale tom wa tuini diila, wa yaa basi ate wa a nya baai meena ale a tom tuimaŋa la zuk Josefi yezukku meena po.

²⁹ Dai yeŋ ate Jeroboam a jam nyini Jerusalem po a nyini, ate biisiteerɔwa Ayija ale nyini Siilo a jam jo garuk paaluk la a yaa tu wa suiku po, ba nɔi bayema nyiin ale jam nyini tɛŋka po a nyini,

³⁰ ate Ayija yaa yik wa garuk paalukku ate wa jo la a cheeri pi ale buye.

³¹ Wa yaa weeni Jeroboam ayen, <

³² Alege mi tomteerɔwa Deevid ale tɛŋ kpieŋka Jerusalem nyiŋ, kaai ate mi a lueri a nyini Izirali buuni meena po la, mi le te wa ka dɔk ate wa a nya ba zuk.

³³ Mi ale nye kude dii nyiŋla, ba zɛri mi kama ale a kaab Saidon demma nipok wenni Astoret ale Moab demma wenni Chemos ale Ammon demma wenni Milkom ale kan va mi suitaŋa yaase ba nye dii ale nala mi nina po yaase ba ta ŋmarisika ale mi buusaŋa ase Deevid Solomon kowa ale jam nye diila.

³⁴ <<

³⁵ Mi ale tuesi naamu a ta nyini wa biika nisima po a te fu diina pi.

³⁶ Mi ale te wa nidoabinni dɔk yeŋ ate dila ale basi ate Deevid mi tomteerɔwa a kasim ta pabiik a te mi Jerusalem po, tɛŋ kpieŋ kaai ate mi a lueri ayen m Yuenni a boro la po.

³⁷ Alege dan ka fi mi ale pa fi ate fi a nya jabuui meena ate fi suinum yaalika a boro la zuk, fi ale chim naab a nya Izirali zuk.

³⁸ Fi a dan nye dii meena ate mi a weeni fu la a cheŋ mi suitaŋa po a nye dii ale nala mi nina po la a ta mi ŋmarisika ale mi wieŋa ase Deevid mi tomteerɔwa ale jam a nye diila, mi ale bo ale fu. Mi ale basi ate fi buuni a dɛ naam taam wuu ase mi ale nye dii a te Deevid la abe m pa Izirali a te fu.

³⁹ Mi ale dari Deevid ŋaaŋbisaŋa tue kude nyiŋ, alege mi kan dari ba tue taam wuu.> >>

⁴⁰ Solomon a jam a yaali wa ko Jeroboam kama, alege Jeroboam a jam chali cheŋ Ejipiti naab Sisak jigi. Wa jam boka dula ate ku paari diipo ate Solomon a kpi la.

⁴¹ Dan ka Solomon wieŋa gela ate wa nye wa naamu daaŋa po la, dii meena ate wa jam nye ale yammu ate wa jam sak la, ŋala a ŋmarisi doa Solomon wie gbaŋka po kama.

⁴² Solomon a jam dɛ naam Jerusalem po Izirali demma meena zuk ka bena pisinaansi.

⁴³ Wa jam kpi kama a gum wa koma po ate ba gu wa Deevid wa kowa tɛŋka po. Wa nidoabinni Areyoboam ale jam zaani wa naŋkula po ase naab la.