YEWHEHÓDỌTỌ 4 - BIBLU WIWE LỌ 19231 MỌWẸ yẹn lé, bo sọ lẹn awusinyẹnnamẹ he yè to bibasi to owhè glọ lẹpo; yẹn sọ pọ́n dasìn yé he yè to awusinyẹnna lẹ tọn, yé ma sọ tindo homẹmiọnnamẹtọ; podọ to awusinyẹnnamẹtọ yetọn si wẹ huhlọn te; ṣigba yé ma tindo homẹmiọnnamẹtọ. 2 Enẹwutu yẹn pa osiọ he ko kú é dẹn hú nutẹgbẹ he gbé sọ tin to ogbẹ̀. 3 Nugbo ewọ he ma ko tin ponte hú yé omẹ awelẹ; mẹhe ma ko mọ azọn ylankan he yè to wiwà to owhè glọ. 4 Dọgọ́, yẹn lẹn yankọ lẹpo, po nuyọnen azọ́n tọn lẹpo po, dọ ehe wẹ homẹkẹn mẹde tọn sọn kọmẹnu etọn de. Ovọ́ wẹ ehe ga, homẹgble gbigbọ tọn wẹ. 5 Nulunọ hò alọ etọn do alọ mẹ, bo sọ dù olàn ede tọn 6 Núdùdù alọgogo dopo po adọjai po, pọnte hú alọgogo awe he gọ́ na magbọjẹ po homẹgble gbigbọ tọn po. 7 Whenẹnu wẹ lẹ́n ló, bo sọ mọ ovó to owhè glọ. 8 Omẹ dopo akàn tin, é ma tindò omẹ awetọ; nugbo, e ma tindo ọvì, mọ e ma tindo nọvisunnu; gãnṣo opòdo ma tin to magbọjẹ etọn lẹpo mẹ: mọ adọkun ma pekọna nukun etọn; mọ é ma dọmọ, mẹnu wutu wẹ yen to magbọjẹ basi, bo de dagbe sọn gbigbọ ṣie si. Ehe lọsu ovọ wẹ, azón oyà tọn wẹ. 9 Ome awe pọnte hú ome dopo; na yé tindo ale dagbe de na magbọie yeton. 10 Na eyín yé jai, mẹde na ze ogbé etọn dote: ṣigba dindọn wẹ na ewọ he yín ewu dopo whenuena é jai; na é ma tindo mẹdẽvo he na ze e dote. 11 Dogọ́, eyín omẹ awe mlọnai do opó, whenẹnu wẹ ye na hlayozo: ṣigba nawẹ omẹ dopo na hlayozo do. 12 Eyín omẹ dopo penu hẹ ewọ he tin dopo, omẹ awe na péhẹ ẹ: podọ okàn atọ̀nslodopọ ma yá winwén. 13 Yòpọ yanọ he yín nuyọnẹntọ, pọ́nte hú yọnhọnọ po ahọlu nulunọ po he ma yọn le yè nọ lẹnnu do. 14 Na gànhọ mẹ wẹ é tọ́n sọn wá, duahọlu: na awetọ lọ le yè ji i to ahọludu etọn me sọ lẹzùn wamọnọ. 15 Yẹn mo yé he to ogbè bo to zọnlinzin to owhè glọ lepo, dọ yé tin po óvú lọ po, awetọ he nọte to oten etọn mẹ lọ. 16 Opodo gbẹtọ tọn ma tin, yèdọ mẹhe ko tin jẹnukonna yelẹ tọn: yé mẹhe ja to godo etọn lẹ ma na jaya to ewọ mẹ. Nugbo ovọ́ wẹ ehe ga, homẹgble gbigbọ tọn wẹ. |
Holy Bible in Gun-Alada © Bible Society of Benin and Bible Society of Nigeria, 1923.
Bible Society of Nigeria