WHẸ̀DATỌ 15 - BIBLU WIWE LỌ 1923

¹ ṢIGBA e wá jọ to ojlẹ de godo, to ojlẹ oli bẹ́whenu tọn, Samsọni yí gbọgbọẹvu de do yì dla asi etọn pọ́n; ewọ sọ dọmọ, Yen na yì hòmẹ to asi ṣie de to abò mẹ.

² Otọ́ etọn sọ dọmọ, Yẹn lẹn nugbonugbo dọ hiẹ gbẹwanna ẹn gbidigbidi; enẹwutu wẹ yẹn do yí i na ogbẹ́ towe: be nọviyọnnu etọn pẹvi ma yín whanpẹnọ hú ewọ? yí ewọ, yẹn vẹ́ we, do otẹn e tọn mẹ.

³ Samsọni sọ dọ hlan yé dọ, To ojlẹ he mẹ wẹ yẹn na yín mahùwhẹ́nọ gbọn Filistini lẹ tọn dali, whenuena yẹn wà oylan de do yé.

⁴ Samsọni sọ yì bo wle wọ̀tupọẹ fodekanweko, bo yí zòwhán lẹ, bo lé osi hlan osi, bo yí zòwhán de do ogbla osi awe awe ṣẹnṣẹn.

⁵ Whenuena é ko simiyọn tufu lẹ lọ, é gbọ yé ni yí biọ gbàdo Filistini tọn he to ote lẹ mẹ, bo mẹ ogetin po gbàdo he to ote po, po ovẹnjipa lẹ po ga.

⁶ Whenẹnu wẹ Filistini le dọmọ, Mẹnu wẹ ko wà ehe? Yé sọ dọmọ, Samsọni, yọ́nwhẹ́n Timninu tọn, na é ko yí asi etọn wutu, bo ko yí i na ogbé etọn. Filistini lẹ sọ hẹji wá, bo yi miyọn do mẹ́ ẹn po otọ́ etọn po.

⁷ Samsọni sọ dọ hlan yé dọ, Eyín mìwlẹ wà di ehe hùnkọ, nugbonugbo yẹn na ylahọsu to mì go, podọ to enẹ godo yẹn na doalọte.

⁸ Ewọ sọ yi hùhù daho de do hù yé súdo: ewọ sọ jẹte yì bo nọnó sizó osé Etami tọn tọn mẹ.

⁹ Whenẹnu wẹ Filistini lẹ yì aga, bo dosla do Juda, bo té yéde do Lehi.

¹⁰ Omẹ Juda tọn lẹ sọ dọmọ, Etẹwutu wẹ mì hẹaga wá mí ji? Yé sọ dọmọ, Nado bla Samsọni wẹ mí wà aga na, nado wà hlan ẹn dile ewọ ko wà hlan mí do.

¹¹ Whenẹnu wẹ omẹ fọtọ́n atọ̀n sọn Juda mẹ jẹte yì odò yì zizẹ osé Etami tọn tọn mẹ, bo dọ hlan Samsọni dọ, Be hiẹ ma yọnẹn dọ ogán wẹ Filistini lẹ yín to mí ji? etẹ ka wẹ hiẹ ko wà hlan mi he? Ewọ sọ dọ hlan yé dọ, Dile yéwlẹ wà hlan mi do, mọwẹ yẹn ko wà hlan yé do.

¹² Yé sọ dọ hlan ẹn dọ, Míwlẹ jẹte wá nado bla we, na mí nido jó we do alọ Filistini lẹ tọn mẹ. Samsọni sọ dọ hlan yé dọ, Mì whle hlan mi, dọ mìlọsu ma na hòzínjẹ oji e gba.

¹³ Yé sọ dọ hlan ẹn, dọmọ, Lala, ṣigba míwlẹ na bla we sinyẹnsinyẹn, bo jó we do alọ yetọn mẹ: ṣigba nugbonugbo míwlẹ ma na hù we gba. Yé sọ yí okàn yọ́yọ́ awe do bla ẹ, bo hẹn ẹn hẹaga sọn osé lọ mẹ.

¹⁴ Whenuena é wá jẹ Lehi, Filistini lẹ dabobo le yé pé e: gbigbọ OKLUNỌ tọn sọ yí hlọnhlọn do wá e ji, okàn he tin to awà etọn go lẹ lẹzùn miyọnkàn he yè yí miyọn do mẹ, núblanú etọn lẹ sọ flẹ́ sọn alọ etọn lẹ mẹ.

¹⁵ E sọ mọ aglànkahú yọ́yọ́ kẹtẹkẹtẹ de tọn, bo dè alọ etọn jẹgbonu, bo yí i, bo yí do hò omẹ fọtọ́n.

¹⁶ Samsọni sọ dọmọ, Yẹn ko yí aglànkahú kẹtẹkẹtẹ de tọn do hò omẹ fọtọ́n, aglànkahú kẹtẹkẹtẹ de tọn okiti lẹ to okitì lẹ ji.

¹⁷ E sọ wá jọ, whenuena é ko dotana hódidọ, wẹ é zé aglànkahú lọ dlangbe sọn alọ etọn mẹ; yè sọ ylọ ofi lọ dọ Lamati-lehi.

¹⁸ Yè sọ hẹn nugblahù i badabada, bo ylọ OKLUNỌ, bo sọ dọmọ, Hiẹ ko na whlẹngan daho he gbọn alọ mẹmẹsi towe tọn dali: bé dinvie yẹn na kú na nugbla, bo jai do alọ magbowhẹ̀nọ lẹ tọn mẹ wẹ.

¹⁹ Ṣigba Jiwheyẹwhe zé ofi sédò he tin to Lehi mẹ, osìn sọ tón sọn finẹ jẹgbonu; whenuena ewọ ko sọ nù, gbigbọ etọn gò, é sọ hínhọ́n: enẹwutu wẹ yè nọ ylọ oyín etọn dọ Ẹn-hakọle, he tin to Lehi mẹ jẹ egbé.

²⁰ Ewọ sọ dawhẹ́na Islaeli to azán Filistini lẹ tọn mẹ owhè oko.