PSALM 99 - BIBLU WIWE LỌ 1923

¹ OKLUNỌ duahọlu: mì gbọ gbẹtọ lẹ ni sisọ: Ewọ to aisinsìn to kelubin lẹ ji; mì gbọ yè ni hẹn aihọn sẹ̀tẹn.

² Kiklo wẹ OKLUNỌ to Ziọni mẹ: Ewọ súntate hú gbẹtọ lẹpo.

³ Gbọ yé ni pa oyín daho towe he dobu: Wiwè wẹ ewọ.

⁴ Huhlọn ahọlu tọn yiwanna whódìda ga; Hiẹ hẹn kunnumahu lódo, Hiẹ hẹn whẹ̀dida po dódó po ṣẹ to Jakobu mẹ.

⁵ Mì zé OKLUNỌ Jiwheyẹwhe mítọn daga, Po litai to tokloafọligbé etọn tọn kọ̀n: Wiwe wẹ ewọ.

⁶ Moṣe po Aalọn po to yẹwhenọ etọn lẹ ṣẹnsẹn, Podọ Samueli to ṣẹnsẹn omẹ he to oyín etọn ylọ lẹ tọn; Yé dawhá ylọ OKLUNỌ, ewọ sọ siọ yé.

⁷ Ewọ dọhó hlan yé to dotin aslo ton mẹ: Yé yìn aṣẹdai etọn lẹ, po osẹ́ndoai hè é na yé po.

⁸ Hiẹ siọ ye, OKLUNỌ E Jiwheyẹwhe mítọn: Hiẹ wẹ Jiwheyẹwhe he jo ylando yetọn lẹ na yé, Eyín hiẹ tlẹ yíahọsu nubasibasi yetọn lẹ tọn.

⁹ Mì zé OKLUNỌ Jiwheyẹwhe mítọn daga, Bo litai to okọta wiwe etọn kọ̀n; Na wiwe wẹ OKLUNỌ Jiwheyẹwhe mítọn.