PSALM 98 - BIBLU WIWE LỌ 1923

¹ Mì ji ohàn yọ́yó de hlan OKLUNỌ; Na ewọ ko wà onú jawu lẹ: Adusilọ etọn po awà wiwé etọn po ko basi whlẹngan nẹ.

² OKLUNỌ ko hẹn whlengan etọn zún yinyọnọn: Dódó etọn wẹ é sọhìa gbangba to nukun kosi lẹ tọn mẹ.

³ É ko flin dagbewanyi etọn po nugbo etọn po hlan owhé Islaeli tọn: Aigba pòdo lẹpo ko mọ whlẹngan Jiwheyẹwhe mítọn tọn

⁴ Mì jaya homẹvivi tọn hlan OKLUNỌ, mì aigba lẹpo; Mì dabóbó, bo jihàn na ayajijẹ, nugbo, mì jihàn pipa lẹ.

⁵ Mì yí ajalẹn do jihàn pipa tọn lẹ hlan OKLUNỌ; Góna ajalẹn po ogbẹ̀ hàngbèwhinwhẹn tọn po.

⁶ Mì yí opẹ̀n po gbèzìnzìn asasú tọn po do Jaya homẹvivi tọn to Ahọlu nukọn, OKLUNỌ lọ.

⁷ Mì gbọ ohù ni to wányẹ̃n po onú he gọ̀ e mẹ lẹ po; Aihọn po omẹ he nọnó e mẹ lẹ po.

⁸ Mì gbọ otọ̀ lẹ ni to pẹhò; Mi gbọ okọta lẹ ni nọpọ jihàn na ayajijẹ

⁹ To OKLUNỌ nukọn; na é ja nado dawhẹ́ aigba tọn: Dódó é na do dawhẹ́ aihọn tọn, Bo yí kunnumahu do dawhẹ́na gbẹtọ lẹ.