PSALM 95 - BIBLU WIWE LỌ 1923

¹ MÌ wá, mì gbọ mí ni yí ayajijẹ do jihàn hlan OKLUNỌ: Mì gbọ mí ni dabóbó hlan awinyan whlẹngan mítọn tọn.

² Mì gbọ mí ni wá nukọn etọn po opẹ́ po, Bo sọ yi ohàn do dabóbó hlan e de.

³ Na OKLUNỌ Jiwheyẹwhe daho de wẹ, Ahọlu daho de to yẹwhe lẹ ji.

⁴ Alọ etọn mẹ wẹ fìwhiwhlá sisosiso aigba tọn lẹ te: Etọn wẹ otè osé lẹ tọn ga.

⁵ Etọn wẹ ohù, ewọ wẹ basi i: Alọ etọn wẹ do aigba húhú.

⁶ Mì wá, mì gbọ mí ni dẹ́ bo sèn: Mi gbọ mí ni jẹklo to OKLUNỌ Obasitọ mítọn nukọn.

⁷ Na ewọ wẹ Jiwheyẹwhe mítọn, Mìwlẹ sọ wẹ omẹ yìndugbo etọn tọn, lẹngbọ alọ etọn tọn. Egbé eyín mì na sè ogbẹ̀ etọn,

⁸ Mì hẹn ayiha mìtọn sinyẹn blo, dile é te to Meliba mẹ, Podọ dile é te to azán Massa tọn mẹ to zùngbo mẹ:

⁹ Whenuena otọ́ mítọn lẹ whlé mi pọ́n, Bo dindòna mi, bo sọ mọ azọ́n ṣie.

¹⁰ Owhè kande pipé wẹ yẹn do yín adinọ to whẹndo nẹ de; Enẹwutu wẹ yẹn dọmọ, Gbẹtọ he buali to ayiha yetọn mẹ de wẹ, Yé ma ko yọ́n aliho ṣie lẹ gba.

¹¹ Enẹwutu wẹ yẹn whle to homẹgble ṣie mẹ dọ yé ma na do biọ ogbọjẹ ṣie mẹ.