PSALM 92 - BIBLU WIWE LỌ 1923

Psalm de na gbọjẹzán.

¹ ONÚ dagbe wẹ nado na opẹ́ OKLUNỌ, Podọ nado jihàn pipa tọn hlan oyín towe, hiẹ Gigogán:

² Nado do dagbewanyi towe hia to afọnnu, Podọ nugbo towe to zánmẹ zánmẹ,

³ To hànjinu okan aonọ ji, pòdọ to asiazón hànjinu ji; Hàngbè zìnzìn de mẹ to ajalẹn ji.

⁴ Na hiẹ, OKLUNỌ, ko hen homẹ ṣie hùn gbọn azọ́n towe dali: Yẹn na yí ayajijẹ do jihàn to azọn alọ towe tọn lẹ mẹ.

⁵ OKLUNỌ È, kiklo wẹ azọ́n towe lẹ, Linlẹn towe lẹ sọ siso gbahúgbahú.

⁶ Gbẹtọ kanlinyihanọ ma yọnẹn; Mọ nulunọ ma tunwun ehe.

⁷ Whenuena mẹylankan tọ́nkùn di ogbé, Podọ whenuena ylanzónwàtọ lẹ to vùnvùn; Na yè nado hù yé súdo kakadoi wutu wẹ:

⁸ Ṣigba hiẹ, OKLUNỌ E, tin to aga kakadoi tẹgbẹ̃,

⁹ Na, pọ́n, OKLUNỌ E, kẹ̀ntọ towe lẹ, Pọ́n, kẹ̀ntọ towe lẹ na dọ̀n: Ylanzọ́nwàtọ lẹpo wẹ yè na vúnvún.

¹⁰ Ṣigba azò ṣie wẹ hiẹ ko zedaga di azò ogbéyìn tọn: Yè sọ kọ̀n amisisa yọ́yọ́ do oji e.

¹¹ Nukun ṣie na mọ ojlo ṣie To mẹyiankan he fọ́n do oji e lẹ go.

¹² Dódónọ na tónkùn taidi odetin: Bo sọ whẹ́n taidi kedali Lẹbanọni tọn.

¹³ Yé omẹ he yín dido to ohọ̀ OKLUNỌ tọn mẹ lẹ Na tọ́nkùn to opá Jiwheyẹwhe mítọn tọn mẹ.

¹⁴ Yé na to sinsẹ́n hẹn jẹgbonu wá to yọ́nhó mẹ; Yé na dosìn bo sọ kọ́.

¹⁵ Nado dohia dọ tenọglinọ wẹ OKLUNỌ: Ewọ wẹ awinyan ṣie, mawàdódó depope ma tin to e mẹ.