PSALM 91 - BIBLU WIWE LỌ 1923

¹ EWỌ he sinai to fìwhiwhlá Gigogán tọn mẹ Na nọnọ̀ oyẹ́ Ganhunupo tọn glọ.

² Yẹn na dọ gbọn OKLUNỌ tọn dali, Ewọ wẹ fibẹ̀tado ṣie podọ fìgángán ṣie: Jiwheyẹwhe ṣie; ewọ go wẹ yẹn na dotudo.

³ Na é na dè we sọn omọ̀ hẹhùtọ tọn mẹ dò. Podọ sọn azọ́n he nọ hù omẹ súdo, mẹ.

⁴ E na yí awà etọn lẹ ṣinyọn oji we, Podọ to awà etọn lẹ glọ wẹ hiẹ na nọ din fibẹ̀tado te: Nugbo etọn wẹ awọ́yínu de po gaglo po.

⁵ Hiẹ ma na hanuna nudobu to ozán mẹ; Kavi na ogá he to zinzlọn to okle;

⁶ Kavi na azọ̀n ylanylan he zọnlinzin to zinvlu mẹ: Kavi na hùsúdo he to mẹva to klekle.

⁷ Fọtón na jai to adà towe mẹ, Fọtón ao to adusilọ towe mẹ; Ṣigba é ma na wá dali towe gba.

⁸ Nukun towe kẹdẹ wẹ hiẹ na do pọ́n Bo sọ mọ ale mẹylankan lẹ tọn.

⁹ Na hiẹ, OKLUNỌ È, wẹ fibẹ̀tado ṣie; Hiẹ ko yi Gigogán do basi fininò towe;

¹⁰ Oylan depope ma na jẹ oji we, Mọ azònylankan depopema na wá ogohọ̀ towe dali.

¹¹ Na é na na aṣẹ angẹli etọn lẹ to oji we Nado whlá we to aliho towe lẹpo ji.

¹² Yé na zé we daga to alọ yetọn me, Na hiẹ niká gbà afọ towe do zannu go.

¹³ Hiẹ na tùnafọ kinnikinni po lopa po ji: Kinnikinni ovu po olia po ji wẹ hiẹ na gbọ̀n to afọ glọ.

¹⁴ Na é ko zé owanyi etọn do ogo e, enẹwutu wẹ yẹn na whlẹn ẹn: Yẹn na zé e doaga, na ewọ yọ́n oyín ṣie wutu.

¹⁵ Ewọ na dawhá ylọ mi, yẹn nasọ siọ ọ: Yẹn na tin po e po to tukla mẹ; Yẹn na whlẹn en bo sọ gbògbé nẹ.

¹⁶ Ogbẹ́ ga wẹ yẹn na yí do pékò nẹ̃, Bo sọ do whlẹngan ṣie hia ẹ.