PSALM 88 - BIBLU WIWE LỌ 1923

¹ OKLUNỌ È, Jiwheyẹwhe whlẹngan ṣie tọn, Yẹn to awhádo to okle po ozán po to nukọn towe.

² Gbọ odó ṣie ni wá nukọn towe: Dotó towe ai hlan awhágbè ṣie.

³ Na ayiha ṣie gọ́ na tukla: Gbigbọ ṣie sọ sẹpọ́ kutòmẹ.

⁴ Yè hia mi dogọ́ yé he jẹte yì odọ̀ mẹ lẹ: Yẹn taidi dawe de he ma tindo huhlọn:

⁵ Mẹzédlan sọn osiọ lẹ mẹ, Alántọsiọ he mlọnai to yọ̀do mẹ, Mẹhe hiẹ ma sọ flin ba: Yè sọ sán yé sẹ́ sọn alọ towe mẹ.

⁶ Hiẹ tẹ́ mì do odó he siso mẹ, To otẹn zinvlu tọn mẹ, to osẹ́dò lẹ mẹ.

⁷ Adanjijẹ zogbe towe pẹ́nagbàn mi, Hiẹ sọ yi agbowhẹn towe lẹpo do sayana mi.

⁸ Hiẹ hẹn mẹyinyọnẹn ṣie lẹ dẹ́n do mi; Hiẹ sọ hẹn mi zùn osùnú de hlan yé: Yè glọn mi do, yẹn ma sọgan jẹgbonu.

⁹ Nukun ṣie kuṣiọ na nukunbibia wutu: OKLUNỌ È, yẹn to yiylọ we egbésọegbésọ, Yẹn sọ tẹ́ alọpáhomẹ ṣie jẹgbonu hlan we.

¹⁰ Hiẹ na do azọ́n jawu hia oṣiọ lẹ wẹ? Oblo lẹ na fọ́nsite bo pa we la? Selah.

¹¹ Bé yè na yí dagbewanyi towe hia to oyódo mẹ la? Kavi nugbo towe to Dindọ̀n mẹ?

¹² Bé yè sọgan yọn azọ́n jawu towe to zinvlu mẹ la? Kavi dódó towe to aigba jiwinwọn tọn ji?

¹³ Ṣigba hiẹ wẹ yẹn dawhá hlan, OKLUNỌ E; Podọ to afọnnufu odẹ̀ ṣie na jẹnukọnna we.

¹⁴ OKLUNỌ etẹwutu hiẹ sisẹ́ ayiha ṣie dlẹn? Etẹwutu hiẹ yí nukun towe whlá sọn dẽ?

¹⁵ Oya do mi ji, yẹn pó na kú sọn ovu whenu ṣie gbọ̃n: Whenuena obu towe to didi mi, yẹn ṣẹ lèlélèlé.

¹⁶ Adanjijẹ zogbe towe sinsinyẹn gbọ̀n oji e; Osi towe sọ sán mi sẹ̀.

¹⁷ Yé lẹ́hla mi pé to azán popo mẹ taidi osìn; Yé plidopọ lédo mi.

¹⁸ Mẹvivé po họ́ntọn ṣie lẹ po wẹ hiẹ hẹn dẹ̀n do mi, Podọ zinvlu wẹ mẹyinyọnẹn ṣie lẹ.