PSALM 87 - BIBLU WIWE LỌ 1923

¹ ODÒDÓ etọn tin to osé wiwe lẹ ji.

² OKLUNỌ yiwanna họ̀ngbo Ziọni Tọn lẹ hú aisintẹn Jakobu tọn lẹpo.

³ Onú gigonọ wẹ yè to didọ na towe tọn, Hiẹ otòdaho Jiwheyẹwhe tọn E. Selah.

⁴ Yẹn na ylọ oyín Lahabi po Babilọni po tọn di to ṣẹnsẹn yé he yọ́n mi lẹ tọn: Pọ́n Filistia, po Tile po, pò Etiopia po; Finẹ wẹ yè ji dawe he te.

⁵ Nugbo, gbọn Ziọni dali yè na dọmọ, Dawe he po dawe nẹ po wẹ yè ji to e mẹ: Gigogán lọsu na hẹn ẹn lódo

⁶ OKLUNỌ na hia, whenuena é to gbẹtọ lẹ wlan, Dọ yè ji dawe he to fìnẹ.

⁷ Yé he to hànji lẹ, po wèdutọ lẹ po na dọ, Asisanuvo ṣie lẹpo tin to hiẹ mẹ.