PSALM 85 - BIBLU WIWE LỌ 1923

¹ OKLUNỌ, hiẹ ko do nukundagbe hia hlan aigba towe: Hiẹ ko hẹn mẹglọnọ Jakobu tọn gọ̀.

² Hiẹ ko jo oylanwiwà omẹ towe lẹ tọn na yé; Hiẹ ko ṣinyọn alọ ylando yetọn ji. Selah.

³ Hiẹ ko zé homẹgble towe lẹpo sẹ̀: Hiẹ ko gọ̀ dewe sọn adanjijẹ zogbe adi towe tọn mẹ.

⁴ Vó mí hẹn diọkó, Jiwheyẹwhe whlẹngan mítọn tọn E, Bo sọ hẹn homẹgble towe to mí ji nado huwhó.

⁵ Hiẹ na gblehomọ do mí go kakadoi Hiẹ na dotẹna homẹgble towe hlan whẹndo lẹpo mẹ wẹ?

⁶ Hiẹ ma na hẹn mí gònọgbẹ́ ba: Na omẹ towe lẹ nido jaya to hiẹ mẹ?

⁷ OKLUNỌ E, do dagbewanyi towe hi mí, Bo sọ yí whlẹngan towe na mí.

⁸ Yẹn na sè le Jiwheyẹwhe OKLUNỌ na dọ Na é na dọhó jijọho hlan omẹ etọn lẹ, podọ hlan mẹwiwe etọn lẹ; Ṣigba a dike yé sọ gọ̀ do nulu mẹ blo.

⁹ Nugbo, whlẹngan etọn sẹpọ́ yé he dibusi i lẹ; Na gigo nido nọnọ̀ aigba mítọn ji.

¹⁰ Dagbewanyi po nugbo po hòjẹ yénọzo. Dódó po jijọho po yí nùdonùgona yénọzo.

¹¹ Nugbo na tónkun sọn aigba mẹ; Dódó nasọ dè nukun jẹgbonu sọn olọn mẹ.

¹² Nugbo, OKLUNỌ na na enẹ he yín dagbe mí; Aigba mítọn nasọ hen ale eton wá.

¹³ Dódó na jẹnukọn nẹ; E nasọ dè mí do aliho afọdide etọn tọn ji.