PSALM 84 - BIBLU WIWE LỌ 1923

¹ NA ogohó towe lẹ yín nuyiwanna do le; OKLUNỌ awhànpa lẹ tọn E!

² Yẹn to jijlo, nugbo, nugbla hùhù mì na akànmahó OKLUNỌ tọn lẹ: Alindọn ṣie po agbasa ṣie po to awhádo hlan Jiwheyẹwhe ogbènọ.

³ Nugbo, awájihó mọ ohọ́ de, Podọ agadawhle adó de na ede, fie é na nọ yí ovi etọn lẹ do, Yèdọ agbà towe lẹ, OKLUNỌ awhànpa lẹ tọn è, Ahọlu ṣie, Jiwheyẹwhe ṣie.

⁴ Donanọ wẹ yé he nọnó ohò towe mẹ lẹ; Yé na to pipa we jãnwẹ. Selah.

⁵ Donanọ wẹ omẹ lọ huhlọn mẹhetọn tin to de we: Ayiha mẹhetọn mẹ ali towe te.

⁶ Yé he gbọn agbàdò Avi tọn mẹ jei lẹ hẹn ẹn zùn ofi tòsisa tọn; Aiṣiọsìn sọ yí dona ṣinyọn ẹn.

⁷ Yé to yìyì sọn huhlọn mẹ jẹ huhlọn mẹ, Ziọni wẹ yé omẹ pó sọawúhia te to Jiwheyẹwhe nukọn.

⁸ OKLUNỌ Jiwheyẹwhe awhànpa lẹ tọn E, sè odẹ̀ ṣie; Dotó, Jiwheyẹwhe Jakobu tọn È,

⁹ Pọ́n, Jiwheyẹwhe awòyinú mítọn È, Bo hùn nukun pọ́n nukunmẹ mẹyiamisisadode towe tọn.

¹⁰ Na azán dopo to akànmahó towe lẹ mẹ yín pónte hú azán fọtọ́n. Yẹn tlẹ jlò na nọ gbọ ṣite to họ̀ntònu ohọ̀ Jiwheyẹwhe ṣie Tọn mẹ hú nado nọnọ̀ gohọ̀ oylanwiwà tọn lẹ mẹ.

¹¹ Na OKLUNỌ Jiwheyẹwhe wẹ owhè de po awọ̀yinú de po: OKLUNỌ na na ojọmiọn po gigo po omẹ: É ma to na whlẹn Onú dagbe de do yé he to zọnlin jlọjlọ zìn lẹ.

¹² OKLUNỌ awhànpa lẹ tọn E, Donanọ wẹ omẹ he dotudo ogo we lọ.