PSALM 80 - BIBLU WIWE LỌ 1923

¹ DOTÓ, hiẹ lọngbọhọto Islaeli tọn E; Hiẹ, mẹhe plan Josẹfu yì taidi lẹngbọpa de, hiẹ mẹhe sinai to kelubin lẹ ṣẹnsẹn, họ̀nwun jẹgbonu.

² To nukọn Eflaimi po Bẹnjamini po, po Manassẹ po tọn, fọ̀nadan huhlọn towe daga, Bo wá nado whlẹn mí,

³ Vò mí hẹn diọkò, Jiwheyẹwhe E, Bo sọ hẹn nukun towe hònwun, yè nasọ whlẹn mí gán.

⁴ OKLUNỌ Jiwheyẹwhe awhànpa lẹ tọn E, na hiẹ na sadi do odẹ̀ omẹ towe lẹ tọn go dẹn sọ?

⁵ Hiẹ yí dasìn do na núdùdù yé; Bo sọ na dasìn yé nù gégé.

⁶ Hiẹ hẹn mí zùn avùn hlan kọmẹnu mítọn lẹ: Kẹntọ mítọn lẹ sọ to núkò to yé ṣẹnsẹn.

⁷ Vọ mí hẹn diọkọ̀, Jiwheyẹwhe awhànpa lẹ tọn E, Bo hẹn nukun towe họ̀nwun; ye nasọ whlẹn mí gán.

⁸ Hiẹ hẹn ovẹ̃n de jẹgbonu sọn Egipti: Hiẹ sisẹ́ kosi lẹ jẹgbonu, bo sọ dó e.

⁹ Hiẹ jla tẹnmẹ dó nẹ, E yìn adòyidò, é sọ gọ́ aigba ji.

¹⁰ Yè hẹn oyẹ̀ etọn vùn ṣinyọn osé lẹ ji Ala etọn sọ taidi atin kedali Jiwheyẹwhe tọn.

¹¹ E dlẹn ala etọn hlan ohù mẹ, Podọ obẹ́ etọn hlan Otọ̀ lọ mẹ.

¹² Etẹwutu hiẹ ka vún opá etọn, Sọmọ bọ yé he juwajei to aliho lẹpo do to yiyà ẹn.

¹³ Ohànvẹ̃ sọn ozùn mẹ wá to finfẹ́n ẹn kọnyìnai, Nutẹgbẹ lẹ sọ to dùdù i.

¹⁴ Lẹ́gòwá, mí vẹ̀ wẹ, Jiwheyẹwhe awhànpa lẹ tọn È; Pọ́ndọ̀ sọn olọn mẹ, bo sọ pọ́n, bo dla ovẹ̃n he pọ́n.

¹⁵ Podọ ádọ̀ ovẹ̃ngle tọn he adusilọ towe ko dó, Podọ ala he hiẹ ko hẹn sinyẹn na dewe.

¹⁶ Yè yí miyọn do fiọ ẹ yè sọ sán ẹn liai: Yé dọ̀n to wọhẹ nukun towe tọn mẹ.

¹⁷ Gbọ alọ towe ni tin dawe adusilọ towe tọn lọ ji, To ovi gbẹtọ tọn ji hè hiẹ ko hẹn dobuhlọn na dewe.

¹⁸ Mọwẹ míwlẹ ma na lẹ́ sọn godo towe: Nagbẹ̀ mí, míwlẹ na nọ ylọ oyín towe.

¹⁹ Vó mí hẹn diọkò, OKLUNỌ Jiwheyẹwhe awhànpa lẹ tọn E, hẹn nukun towe hònwun, yè nasọ whlẹn mí gán.