PSALM 8 - BIBLU WIWE LỌ 1923

¹ OKLUNỌ È, OKLUNỌ mítọn, Na oyín towe gbónvò to aihọn lẹpo mẹ do le! Hiẹ ko zé gigo towe dote yìaga hú olọn lẹ.

² Sọn onù yọpọvu po ovi he to anónu lẹ po tọn mẹ wẹ hiẹ ko hẹn huhlọn lódo Na kẹ̀ntọ towe lẹ wutu, Na hiẹ nido hẹn kẹ̀ntọ lẹ po ahọsuyitọ po nabọẹ.

³ Whenuena yẹn lẹn olọn towelẹ pọ́n, azọ́n alọviyẹyẹ towe tọn lẹ, Osùn po sunwhlẹvu lẹ po he hiẹ ko zẹ́ali dai na;

⁴ Etẹ wẹ gbẹtọ, bọ hiẹ do to núflin jẹ e go? Podọ ovi gbẹtọ tọn, bọ hiẹ do to didla ẹ pọ́n?

⁵ Hiẹ yí i do da huwhẹnọ pẹvide hú Jiwheyẹwhe, Hiẹ sọ yí gigo po yẹyi po do ṣinyọn ojọ́gbakun nẹ̃.

⁶ Hiẹ ko yí i do dogán do azọ́n alọ towe nu tọn ji, Hiẹ sọ yí onú popo do afọ etọn glọ.

⁷ Lẹngbọ lẹpo po oyín lẹpo po ga, mọwẹ po kanlin he tin to gbèmẹ lẹ po.

⁸ Ohẹ̀ he to oji aga lẹ, whevi he tìn to ohù mẹ, Po nudepope he nọ gbọn ali ohù tọn ji lẹ po.

⁹ OKLUNỌ E, OKLUNỌ mitọn, Na oyín towe gbónvò to aihọn lẹpo mẹ do le!