PSALM 75 - BIBLU WIWE LỌ 1923

¹ JIWHEYẸWHE È, hiẹ wẹ míwlẹ na opẹ́ hlan, Hiẹ wẹ míwlẹ na opẹ́: na oyín towe sẹpọ̀; Gbẹtọ to ohó azònjawu towe tọn dọ.

² Whenuena ojlẹ ṣie sọ, Yẹn na yí nugbo do dawhẹ̀.

³ Whenuena aihon po omẹ he tin to e mẹ lẹpo po sisọ, Yẹn hẹn dòtin etọn. Selah.

⁴ Yẹn dọ hlan awagundotọ lẹ, dọ, Mì sọ doawagun blo: Podọ hlan mẹylankan lẹ dọ, Mi sọ zé azò daga blo.

⁵ Mì zé azò mítọn daga blo: Mì sọ yí okọ̀ kikla do dọhó blo.

⁶ Na zedaga ma sọn whèzẹtẹn dali, Kavi sọn whèyìhọ dali, mọ é ma sọn hùwaji.

⁷ Ṣigba Jiwheyẹwhe wẹ whẹ̀datọ lo: É nọ zlọn ode dai, bo sọ zé mẹdẽvo dote.

⁸ Na alọ OKLUNỌ tọn mẹ wẹ kọfo de te, ovẹ̃n lọ sọ bia; E gò na flusọ; é sọ kọ̀n jegbonu sọn e mẹ: Nugbo, owhà etọn, mẹylankan he to aihọn mẹ lẹpo wẹ na finyòn ẹn jẹgbonu, bo nù in.

⁹ Ṣigba yẹn na to lila tẹgbẹ; Yẹn na to ohàn pipa tọn ji hlan Jiwheyẹwhe Jakobu tọn.

¹⁰ Azò mẹylankan lẹ tọn lẹpo wẹ yè na sán sẹ̀ ga; Ṣigba azò dódónọ lẹ tọn wẹ yè na zedaga.