PSALM 74 - BIBLU WIWE LỌ 1923

¹ JIWHEYẸWHE È, etẹwutu hiẹ gbẹ́ mi dai kakadoi? Etẹwutu adi towe to azọti do lẹngbọ yìndugbo towe tọn lẹ go.

² Flin agùn towe, he hiẹ ko họ̀ to hóhó whenu; Ehe hiẹ ko fli do basi whẹndo ogúyigba towe tọn; osé Ziọni tọn he, Ehe mẹ hiẹ nọnọ̀.

³ Zé afọ towe daga hlan adóto magbòdo lẹ; Oylan he kẹ̀ntọ ko basi to fiwiwe mẹ lẹpo.

⁴ Mẹglatọ towe lẹ to lìlì to ṣẹnsẹn ọplí towe lẹ tọn, Yé zé awhànsia yetọn lẹ doaga na ohia.

⁵ Yé taidi dawe he to asiọvi Etọn zé daga to zùngbo mẹ.

⁶ Dinvie, asiazón pipa lẹpo wẹ Yé yí asiọvi po zúnpẹ po do hò plidopọ.

⁷ Yé ko simiyọn fiwiwe towe, Yé hẹn aisintẹn oyín towe tọn flu yèdọ jẹ aigba.

⁸ Yé dọ to ayiha yetọn mẹ, dọ, Mì gbọ mí ni gbidi yé patapata: Yé mẹ̀ sinagọgu Jiwheyẹwhe tọn lẹpo to aigba lọ ji.

⁹ Mí ma mọ ohia mítọn lẹ: Yẹwhegán de ma tin ba: Mọ mẹde ma tin to mí mẹ he yọ́n le é na dẹn sọ.

¹⁰ Jiwheyẹwhe È, nawẹ mẹglatọ lọ na to vivlẹ dẹn sọ? Kẹntọ ni to nùzan do oyín towe go kakadoi wẹ?

¹¹ Etẹwutu wẹ hiẹ dọ̀n alọ towe do godo, yèdọ adusilọ towe? Dè e jẹgbonu sọn adaja towe mẹ, bo hù yé súdo.

¹² Gánso Jiwheyẹwhe wẹ Ahọlu ṣie sọn hóhówhenu wá, He to azọ́n whlẹngan tọn wà to ṣẹnsẹn aihọn tọn.

¹³ Hiẹ yí huhlọn towe do má ohù do awe: Hiẹ ko gbà ota olia lẹ tọn to osìn lẹ mọ.

¹⁴ Hiẹ gbà ota leviatani tọn hanyan; Hiẹ sọ yí i do na núdùdù omẹ he nọnọ̀ zùngbo mẹ lẹ.

¹⁵ Hiẹ gbò otọ̀ po asisa po: Hiẹ sọ hú otọ̀ he to sisa lẹ.

¹⁶ Towe wẹ okle, towe sọ wẹ ozán ga: Hiẹ wleawu hinhọ́n po owhè po tọn.

¹⁷ Hiẹ dè dògbo opòdo aigba tọn: Hiẹ basi ojlẹ alúnlun po avivọ po tọn.

¹⁸ Flin ehe, OKLUNỌ E, dọ kẹ̀ntọ ko vlẹ, Podọ oklenọ lẹ ko zánnu do oyín towe go.

¹⁹ A yí ayiha owhle towe tọn do alọ mẹ na gbékanlin lẹ blo: A sọ wọnji gbigbọ oyanọ towe lẹ tọn go kakadoi blo.

²⁰ Pòn alẹ̀nu lọ: Na ofi zinvlunọ aigba tọn lẹ gọ́ na fininò adingbàndido tọn.

²¹ Ṣó a dike mẹhe yè sinyẹnawúna lẹ́gọ̀ to winyan mẹ blo: Na oyanọ po agbátọnọ po ni pa oyín towe.

²² Jiwheyẹwhe E, fọ́n, yí owhẹ̀ dewe tọn dọ: Flin le oklenọ to vivlẹ we egbésọegbésọ do.

²³ A wọn ogbẹ̀ tasọmẹtọ towe lẹ tọn blo: Zingidi yé he fọ́n do oji we lẹ tọn to agayì whepoponu.