PSALM 70 - BIBLU WIWE LỌ 1923

¹ JIWHEYẸWHE È, yawu bo whlẹn mi, OKLUNỌ È, yawu bo gọalona mi.

² Winyan ni hù yé, yé ni flu, He to ayiha ṣie din lẹ: Gbọ yé ni diọkọ, Bo sọ jẹflu he to oylan jlo na mi lẹ.

³ Yè ni hẹn yé légodo na winyan yetọn tọn he to didọmọ, Ọ̃n, Ọ̃n.

⁴ Yé he to dindin we lẹpo ni jaya, homẹ yetọn ni sọ hùn to hiẹ mẹ: Bo gbọ yé he yiwanna whlẹngan towe lẹ ni nọ dọ to whepoponu, dọ, OKLUNỌ ni yín zizedaga.

⁵ Ṣigba oyanọ, agbátọnọ wẹ yẹn: Jiwheyẹwhe È, yawu wá dẽ: Hiẹ wẹ alọgọtọ ṣie podọ whlẹngantọ ṣie, OKLUNỌ E, a dẹn kaka de blo.