PSALM 7 - BIBLU WIWE LỌ 1923

Davidi tọn he é j i hlan OKLUNỌ gbọn ohó Kuṣi Bẹnjaminitọ tọn dali.

¹ OKLUNỌ È, Jiwheyẹwhe ṣie, yẹn dindin fibẹ̀tado to hiẹ mẹ; Whlẹn mi to yé he homẹkẹndo mi lẹ si, bo sọ dè mi sẹ̀.

² E nikã tlẹn mi di kinnikinni, Bo vún mi kija, whenuena whlẹngantọ ma tin.

³ OKLUNỌ È, Jiwheyẹwhe ṣie, eyín yẹn basi ehe; Eyín mawàdódó tin to alọ ṣie mẹ;

⁴ Eyín yẹn yí oylan do suahọ ewọ he yẹn po e po tin to jijọho; (Nugbo ewọ he to kẹntọ ṣie yín yaya, yẹn ko whlẹn ẹn gán:)

⁵ Gbọ kẹ̀ntọ ni domóna ayiha ṣie bo sọ wlé e; Nugbo, gbọ é ni tùnafọ ogbẹ̀ ṣie ji to aigba, Bo tẹ́ yẹyi ṣie do kógudu mẹ. Selah.

⁶ Tite, OKLUNỌ E, to adi towe mẹ, Zé dewe daga na adanjijẹ kẹntọ ṣie lẹ tọn wutu: Fọ́n na mi; hiẹ ko degbè whẹ̀dida tọn.

⁷ Mọwẹ agùn gbẹtọ lẹ tọn na lédo we pé: Podọ to yé ji hiẹ ni lẹgọ́ yi aga.

⁸ OKLUNỌ na dawhẹna gbẹtọ lẹ: OKLUNỌ dawhẹ ṣie kẹdẹdi dódó ṣie, kẹdẹdi walọpipé ohò ṣie mẹ tọn.

⁹ Gbọ oylan mẹylankan lẹ tọn ni pònu, ṣigba hẹn dódónọ lódo: Na Jiwheyẹwhe dódónọ to ayiha po hòmẹ po whlepón.

¹⁰ Awòyínú ṣie tin to Jiwheyẹwhe de, He to whlẹngan basi to tenọglinọ to ayiha mẹ lẹ mẹ.

¹¹ Jiwheyẹwhe wẹ whẹ̀datọ dódónọ, Nugbo, Jiwheyẹwhe de he tindo kàndùdù azán popo gbè.

¹² Eyín gbẹtọ ma diọkó, é na gàn ohi etọn ni dá; E ko dón ogabá etọn sinyẹn, é sọ wleawu etọn dai.

¹³ E ko wleawu awhànfunnú okú tọn dai nẹ̃, E hẹn ogá etọn lẹ zùn miọnawu.

¹⁴ Do ayi e go, ajlu oylan wiwà tọn to sisọ ẹ, é mọhò okà tọn, Bo sọ ji lalo jẹgbonu.

¹⁵ E dò odẹ̀ bo sọ kún i, E sọ jai do odọ̀ he ewlọsu kùn mẹ.

¹⁶ Danúwiwà etọn nasọ gó wá ota ede tọn, Owalọ sinyẹnsinyẹn etọn nasọ jẹte do ataka ewlọsu tọn ji:

¹⁷ Yẹn na pà OKLUNỌ kẹdẹdi dódó etọn; Bo sọ nọ jihàn pipa tọn hlan oyín OKLUNỌ Gigogán tọn.