PSALM 68 - BIBLU WIWE LỌ 1923

¹ GBỌ Jiwheyẹwhe ni fọ́n, na yè ni gbà kẹ̀ntọ etọn lẹ kija: Na yé he gbẹwan nẹ lẹ ga ni họ̀nyì sọn nukọn etọn.

² Dile yè nọ fú azọ́ yì, mọwẹ a ni fú yé yì: Dile winja nọ yọ́ to miyọn nukọn do, Mọwẹ mẹylankan lẹ ni dón do to Jiwheyẹwhe nukọn.

³ Ṣigba gbọ homẹ dódónọ lẹ tọn ni hùn; Na yé nido doawagun to Jiwheyẹwhe nukọn: nugbo, yé ni yí homẹhùnhùn do jaya.

⁴ Mì jihàn hlan Jiwheyẹwhe, mì jihàn do pa oyín etọn: Mì jlayinna ewọ he dokẹkẹ gbọn zùngbo lẹ mẹ; JAH wẹ oyín etọn; bo sọ nọ doawagun to nukọn etọn.

⁵ Otọ́ tósiọvi tọn, whẹ̀datọ asusiosi lẹ tọn Wẹ Jiwheyẹwhe to fininọ́ etọn wiwe mẹ.

⁶ Jiwheyẹwhe hẹn mẹagbá sinai to Bo sọ hẹn ogàntọ lẹ tón wá yọnn a mẹ: Ṣigba atẹṣitọ lẹ wẹ nọnọ̀ aigba zo jipo ji.

⁷ Jiwheyẹwhe E, whenuena hiẹ tón jẹnukọnna gbẹtọ towe lẹ, Whenuena hiẹ to zọnlinzin gbọn zùngbo mẹ jei; Selah:

⁸ Aigba whàn, Olọn lẹ sọ to kùnkùn to Jiwheyẹwhe nukọn: Yèdọ Sinai dọntọn whàn to Jiwheyẹwhe nukọn, Jiwheyẹwhe Islaeli tọn.

⁹ Jiwheyẹwhe E, hiẹ wẹ hẹn jikun susu fán, Hiẹ ko sọ yí afọ ogú towe tọn hẹnai, whenuena nudikọ nẹ̃.

¹⁰ Agùn gbẹtọ towe lẹ tọn wẹ nọnọ̀ finẹ; Jiwheyẹwhe E, dagbe towe mẹ wẹ hiẹ wleawu dai na oyanọ lẹ.

¹¹ OKLUNỌ wẹ ohó lọ dọ: Yọnnusi he to owẹ̀n lọ lá lẹ wẹ agùn daho de.

¹² Ahọlu awhànpa tọn lẹ họ̀n, Yé hòn yì: yọnnu he sinai to whógbè to ogblàn má.

¹³ Bọ́ mì na mlọnai to opá ogbọ́ lẹ tọn ṣẹnṣẹn, Di abó owhle tọn he yè yi fakata do bú, Ofún etọn po sika asavanọ po?

¹⁴ Whenuena Ganhunupo gbà ahọlu lẹ kija to e mẹ, É taidi é to osìn—agó ja to Salmọni mẹ.

¹⁵ Osó Baṣani tọn osé Jiwheyẹwhe tọn de wẹ; Osó tlóntlón wẹ osé Baṣani tọn.

¹⁶ Mì osé tlóntlón emi, Etẹwutu wẹ mì to wunvọpón osé he Jiwheyẹwhe ko jlo na aisintẹn etọn? Nugbo, OKLUNỌ na nọnó finẹ kakadoi.

¹⁷ Fọtón òko wẹ awhàn-kẹkẹ Jiwheyẹwhe tọn lẹ, yèdọ fọtọ́n lẹ to fọtọ́n lẹ ji; OKLUNỌ tin to yé mẹ, Sinai tin to fiwiwe mẹ.

¹⁸ Hiẹ ko hẹji yì aga, hiẹ ko wló awhànkanlinmọ lẹ sọha de; Hiẹ ko mọ nunina yi na gbẹtọ lẹ: Nugbo, na atẹsitọ lẹ ga, na JAH Jiwheyẹwhe nido nọnọ̀ hẹ yé.

¹⁹ Donanọ wẹ OKLUNỌ, mẹhe to agbàn hẹn na mí egbésọegbésọ, Yèdọ Jiwheyẹwhe whlẹngan mítọn tọn. Selah.

²⁰ Jiwheyẹwhe whlẹngan tọn de wẹ Jiwheyẹwhe hlan míwlẹ; Jehovah Oklunọ tọn wẹ hẹndogbẹ̀ sọn okú si yín.

²¹ Ṣigba Jiwheyẹwhe na gbata na kẹ̀ntọ etọn lẹ, Po otaká odànọ he to zọnlinzin du to whẹgbledo etọn mẹ tọn po.

²² Oklunọ dọmọ, Yẹn nasọ vọ́ hẹn gọ́ sọn Baṣani, Yẹn na vọ́ yé hẹn gọ̀ sọn dògbo ohù tọn lẹ mẹ:

²³ Na hiẹ nido ylón afọ towe do ohùn mẹ, Na odó avún towe lẹ tọn nido tindo mimá etọn sọn kẹ̀ntọ towe lẹ mẹ.

²⁴ Yé ko mọ zọnlin towe, Jiwheyẹwhe È, Yèdọ zọnlin Jiwheyẹwhe ṣie tọn, Ahọlu ṣie, to fiwiwe mẹ.

²⁵ Hànjitọ lẹ to yìyì to nukọn, ajalẹnhòtọ lẹ gbọn godo; To ṣẹnsẹn viyọnnu he akò hò lẹ tọn.

²⁶ Mì dona Jiwheyẹwhe to agùn lẹ mẹ, yèdọ Oklunọ, Mì he sọn adò Islaeli tọn mẹ lẹ emi.

²⁷ Finẹ wẹ Bẹnjamini pẹvi te, ogán yetọn, Ahọvi Juda tọn po agùn daho yetọn lẹ po, ahọvi Zẹbulọni tọn lẹ, Po ahọvi Naftali tọn lẹ po.

²⁸ Jiwheyẹwhe towe ko degbè huhlọn towe tọn: Jiwheyẹwhe È, hẹn onú he a wà na mí dohuhlọn.

²⁹ Na tẹmpli towe he tin to Jelusalẹm Tọn wutu ahọlu lẹ na nọ hẹn nunina wá na we.

³⁰ Wọhẹ kanlin ofángbo tọn lọ, Oyìnsú susugege, po oyìnvu gbẹtọ lẹ tọn po, To afọtùntùn fataka wòwó ji: É ko gbà gbẹtọ he tindo homẹhùnhùn to awhàn mẹ lẹ kija.

³¹ Ahọvi lẹ na sọn Egipti wá; E ma na dẹn Etiopia na dlẹn alọ etọn hlan Jiwheyẹwhe.

³² Mì jihàn hlan Jiwheyẹwhe, mì ahọludu aigba tọn lẹ emi; Mì jihàn pipa tọn hlan Oklunọ. Selah.

³³ Hlan ewọ he nọ hẹ́ olọn olọn lẹ tọn lẹ ji, he tin sọn hóhówhenu gbọ̃n; Pọ́n, é dogbè etọn, ehe lọ wẹ ogbẹ̀ daho.

³⁴ Mì pa huhlọn na Jiwheyẹwhe: Yẹyi daho etọn tin to Islaeli ji, Huhlọn etọn sọ tin to jiwhehomẹ.

³⁵ Jiwheyẹwhe È, hiẹ dobu sọn fiwiwe towe lẹ mẹ: Jiwheyẹwhe Islaeli tọn wẹ ewọ he nọ na awulilo po huhlọn po hlan omẹ etọn lẹ. Donanọ wẹ Jiwheyẹwhe.