PSALM 67 - BIBLU WIWE LỌ 1923

¹ JIWHEYẸWHE ni wàlẹblanuna mí, bo dona mí; Bo sọ hẹn nukun etọn hùn do mí go. Selah.

² Na aliho towe nido yín yinyọnẹn to aigba ji, Podọ whlẹngan towe to akọta lẹpo mẹ.

³ Gbọ gbẹtọ lẹ ni pa we, Jiwheyẹwhe E; Gbọ gbẹtọ lẹpo ni pa we.

⁴ Na homẹ akọta lẹ tọn ni hùn, na yé ni nọ to hànji na ayajijẹ; Na hiẹ na yí dódó do dawhẹ̀na gbẹtọ lẹ, bo sọ deaná akọta lẹ to aigba ji.

⁵ Gbọ gbẹtọ lẹ ni pa we, Jiwheyẹwhe E; Gbọ gbẹtọ lẹpo ni pa we.

⁶ Whenẹnu wẹ aigba na hẹn jideji etọn wá; Jiwheyẹwhe, yèdọ Jiwheyẹwhe mítọn lọsu, na dona mí.

⁷ Jiwheyẹwhe na dona mí; Aigba opòdo lẹpo nasọ nọ si i.