PSALM 64 - BIBLU WIWE LỌ 1923

¹ JIWHEYẸWHE È, sè ogbẹ̀ ṣie, to koefìnfan ṣie mẹ: Whlẹn gbigbọ ṣie sọn osi kẹ̀ntọ lọ tọn mẹ.

² Sọ mi whlá sọn asli mẹylankan lẹ tọn mẹ, Sọn agùn ylanznwàtọ lẹ tọn mẹ.

³ Mẹhe to odé yetọn gàn di ohi dida, Bo sọ tá ogá yetọn lẹ nado ségá yetọn, yèdọ ohó yivó.

⁴ Na yé nido ségá yetọn to nuglọ do mẹpipé; Ajiji wẹ yé ségá do e, yé ma sọ sinú.

⁵ Yé to núbibla ylankan hẹn sinyẹn na yéde; Yé sọ to hódọ gbọn omò titá to nuglọ lẹ tọn dali; Yé dọmọ, Mẹnu wẹ na mọ yé?

⁶ Yé to ylando núblà; yé dọmọ, Míwlẹ ko dotana núbibla mítọn: Podọ linlẹn mẹdopodopo yetọn tọn, po ayiha yetọn po, sisosiso wẹ.

⁷ Ṣigba Jiwheyẹwhe na ségá do yé: Yíyí ogá dopo ajiji wẹ yé na yin alánhòtọ.

⁸ Yè basi yé nado dahli, odé yélọsu tọn jeagò do yé go: Omẹ he mọ yé lẹpo na nọ mimi ota.

⁹ Gbẹtọ lẹpo wẹ na dibu; Bo na to ohó azọ̀n Jiwheyẹwhe tọn tọn dọ, Na yé na yí nuyọnẹn do lẹn onú wiwà etọn pọ́n.

¹⁰ Dódónọ na jaya to OKLUNỌ mẹ, bo nasọ din fibẹ̀tado to ewọ mẹ; Tenọglinọ to ayiha mẹ lẹpo nasọ nọ doawagun.