PSALM 63 - BIBLU WIWE LỌ 1923

Psalm Davidi tọn de, whenuena é tin to zùngbo Juda tọn mẹ.

¹ JIWHEYẸWHE È, hiẹ wẹ Jiwheyẹwhe ṣie; afọnnufu yẹn na din we: Nugbla towe to hùhù ayiha ṣie, agbasa ṣie dọ̀n do ogo we to aigba húhú ji, Podọ to aigba nudikòna ji, fie osìn ma tin te.

² Mọ yẹn pọ́n we to fiwiwe mẹ, Nado mọ huhlọn towe po gigo towe po.

³ Na dagbewanyi towe yónhú ogbẹ̀; Nùflo ṣie na nọ pa we.

⁴ Le wẹ yẹn na dona we do to ogbẹ̀ ṣie whenu: Yẹn na nọ zé alọ ṣie daga to oyín towe mẹ.

⁵ Yè na hẹn núpekòna ayiha ṣie di apọn po ojó po: Onù ṣie na yí nùflo ayajẹ tọn do pa we.

⁶ Whenuena yẹn flin we to adọzan ṣie ji, Bo sọ to ayihamẹlẹnpón na towe to ozán nukle mẹ.

⁷ Na hiẹ wẹ yín alọgọ ṣie, Enẹwutu to yẹtẹn awà towe tọn glọ wẹ yẹn na nọ yí ayajijẹ do jihàn te.

⁸ Ayiha ṣie to hihodo we gligli: Adusilọ towe wẹ zé mi dote.

⁹ Ṣigba yé he to ayiha ṣie din Nado hù i súdo lẹ ni yì aigba sábọ.

¹⁰ Yè na yí yé do alọ mẹ na ohi, Yé nasọ yín mimá na ohla lẹ.

¹¹ Ṣigba ahọlu na to ayajẹ to Jiwheyẹwhe mẹ; Mẹdepope he to yíyí i do whle gbọn e dali na nọ doawagun: Ṣigba onù yé he to lalodo lẹ tọn wẹ yè na bòdo.