PSALM 56 - BIBLU WIWE LỌ 1923

Psalm Davidi tọn de whenuena Filistini lẹ wló e to Gati

¹ YÍN lẹblanunọ hlan mi, Jiwheyẹwhe É: na gbẹtọ jlo na zé mi mì; To avùnhihò mẹ é to awusinyẹnna mi to azán lẹpo gbè.

² Yé he tọwù dai na mi lẹ jijlo na zé mi mì to azán lẹpo gbè, Na susu wẹ yé he to avùnhò hẹ mi to sakla mẹ lẹ

³ Whenuena obu to didi mi, Yẹn na dotudo ogo we.

⁴ To Jiwheyẹwhe mẹ wẹ yẹn na nọ pa ohó etọn; Jiwheyẹwhe go wẹ yẹn dotudo; yẹn ma obu na di; Etẹwẹ agbasalan sọgan wà do mi?

⁵ Yé to ohó ṣie slo to azán lẹpo gbè: Oylan wẹ linlẹn yetọn lẹpo do ogo e.

⁶ Yé bé yéde pli, yé tọwù, yé to ayido zọnlin ṣie go, yèdọ dile yé ko gbòmọ́na ayiha ṣi e dó.

⁷ Bé yé sọgan gán gbọn oylanwiwà dali? To adi mẹ, dọ̀n akọta lẹ liai, Jiwheyẹwhe E.

⁸ Hiẹ hia zọnlin ṣie: kọ̀n dasìn ṣie do ogò towe mẹ; Bé yé ma tin tó owé towe mẹ?

⁹ Whenuena yẹn dawhá ylọ we, Whenẹnu wẹ kẹ̀ntọ ṣie lẹ na lẹ́gọ̀ do godo: Ehe wẹ yẹn yọnẹn dọ Jiwheyẹwhe tin to awhàn ṣie mẹ.

¹⁰ To Jiwheyẹwhe mẹ wẹ yẹn na nọ pa ohó etọn: To OKLUNỌ mẹ wẹ yẹn na nọ pa ohó etọn.

¹¹ Jiwheyẹwhe go wẹ yẹn dotudo: Yẹn ma to obu na di; Etẹwẹ gbẹtọ sọgan wà do mi?

¹² Opàdidọ towe tin to ogo e, Jiwheyẹwhe E: Yẹn na na nunina opẹ́ tọn lẹ hlan we.

¹³ Na hiẹ wẹ whlẹn ayilia ṣie sọn okú mẹ: Bé hiẹ ma na dè afọ ṣie sọn ṣinsọ̀n mẹ, Na yẹn nido nọ zinzọnlin to nukọn Jiwheyẹwhe tọn To hinhọ́n ogbẹ̀nọ lẹ tọn mẹ?